2 PETER 3:18 - Bawm Common Language Bible Version

¹⁸ Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

2 PETER 3:18 ပူးပေါင်းရင်းမြစ်များ

SAM 92:12

Mirep chu tûm kûng hâwi hen a ṭhang lai le; Lebanon ah mi sidar thing hâwi hen a ṭhang lai.

HOSEA 14:5

Israel mi tla sinah, ram châr lakah ruah sûr mi hâwi kasi lai. Chawmpâr hâwi hen an ên lai, Lebanon ah thing tla hâwi hen ram bir tak an thlâk lai.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

ROM 11:36

Amah thawk hen leh amah ruangah leh amah sinah thil zawzawng a hawng um asi; amah sinah chun zungzâl hen rokualnâk um seh! Amen.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

EPHESI 4:15

zângfahnâk thudik sim hen zeizawng ah amah lakah kan ṭhanglian kho dauh lai; amah chu lû asi, Krist chu.

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

2 TIMOTHE 4:18

Lalpa nih chun sualnâk zawzawng lakah mi a ka suah lai le, a vân ram ah him tak hen hawng ka tlunh lai, amah chu zungzâl hen rokual hen um seh. Amen.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.

2 PETER 1:11

Hi hâwi hen, Jisu Krist kan Lalpa leh ruangsuahtu zungzâl ram ah lût khonâk chu pêk nan si lai.

2 PETER 1:2

Pathian leh kan Lalpa Jisu theihnâk lakah chun, nan tlûnah zângfahnâk leh remnâk pungtir hen um seh.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

2 PETER 1:8

hi thil tla hi nan herh mi chu asi, chubang chu tam tak nan nei chun nan tha an thawktir na lai le, kan Lalpa Jisu Krist theihnâk ah chun an chaktir na lai.

2 PETER 2:20

Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.

JUD 1:25

kan Lalpa Jisu Krist zârah ruang hawng kan suahtu Pathian sinah cho chun, tik a lan rawh mi leh tuah leh zungzâl tiang hen, chawnglawmhnâk tla, rokualnâk tla, thuneihnâk tla a sinah um seh! Amen.

THUPHUANG 1:6

a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.