2 PETER 3:16 - Bawm Common Language Bible Version

¹⁶ Asi, chubang thu chu a lasuikuat zawzawng lakah, hi thu hi a sim asi; chu lak chun thu theih har tak tla khawm a um le, mi finglo leh mi birlo tla nih Pathian lasui thu dang an ngâi sual mi hâwi hen, an ngâi palh le, mah le mah anna tlâutir phah tâwn.

2 PETER 3:16 ပူးပေါင်းရင်းမြစ်များ

GENESIS 49:4

Nang chu tîlian hâu hâwi na si, Sikhawmsele, mi herh chem chu na si lai lo, Ka nupisûn na ihpi ruangah leh ka ihkhun na nawmh ruangah.

1 Lal 10:1

Seba lalnu nih Solomon minthang zia a theih le, thu har tatak nik ding leh deih ding hen Solomon sinah Jerusalem leiah a va kal.

SAM 56:5

Nî tlâk hen ka mêlma tla nih ka lawk an sawngtir le, nganfâk pêk ding karo an ka tum.

EXODUS 23:2

An tam ruang ko ah perpet hen thilsual titu murui chu zûl lah na.

EXODUS 23:6

“Mipâm chu lâirêlnâk ah diklo hen lâirêl piak lah.

JEREMIA 23:36

Churuangah ‘LALPA thilrit’ ti thu an mang ding asi lo rawh, a san chu âuzawng nih a ti mi asi chun ka thuchah chu a sinah thilrit takah ka siam lai. Mi nih an Pathian, Pathian nung, LALPA Zeizawng tikho thu chu an râwk.

HABAKUK 1:4

Dân tla chu a chak lo hen mang tlâklo hen a um le, diknâk khawm mang asi lo. Misual nih mirep ngâk hen ṭhat dauhnâk a lawh le, diknâk chu diklo hen a kal rawh.

MATHAI 15:3

Chun, anih nih chun an sinah, “Nannih khawm nih zei rangah nan thurovuih ruangah Pathian thupêk nan buar ne?

MATHAI 15:6

Chun, nan thurovuih ruangah Pathian thu chu nan thlâu phah rawh mahi.

MATHAI 22:29

Jisu nih an sinah, “Pathian lasui thu leh Pathian thiltikhonâk nan theih lo ruangah nan ngaihpalh tâwn asi.

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

HEBRAI 5:11

Chu thâwngthâng lakah chun thu tam tak sim ding kan nei, nan theih lo tuktarâi ruangah nan sinah simhfiang a har asi.

JEM 1:8

thinlung reprâi nei lo hen thil a tinâk zawng ah bir lo mi asi ruangah.

1 PETER 1:1

Hi lasuikuat hi Jisu Krist mifial Peter thawk hen mi asi: Pontia ram, Galatia ram, Kapadokia ram, Asia ram leh Bithinia ram tla ah rekrâwi hen an um mi Pathian mi thîm tla rangah asi.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

2 PETER 3:14

Churuangah, duhtak le tla, chu Ni nan ngâk ruangah Pathian mitmuh ah thenhlimh leh sual lo hen a sinah lungngam tak hen nan um khonâk ding hen a ṭang u.

2 PETER 3:2

Khuavâng thenhlimh tla thu simhkan leh nan mifial tla kâ ah leh, Lalpa leh Ruangsuahtu thupêk chu nan theihkumza ding hen ka nan duh na asi.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.