2 PETER 3:13 - Bawm Common Language Bible Version

¹³ Sikhawmsele, Pathian thutiam hâwi hen vân thar leh tual thar, a sungah repnâk um ding mi chu kan ngâk asi.

2 PETER 3:13 ပူးပေါင်းရင်းမြစ်များ

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 65:17

LALPA nih, “Tual thar leh vân thar ka siam. A lânah mi thil um tla chu philh hep asi lai rawh.

ISAI 65:25

Chingngia leh dawrâ fa tla munkhat hen râwl an ei lai. Chakeibaknei tla nih ran hâwi hen fapawn an ei lai le, rûl tla khawm ṭihnung an kâi lai lo rawh. Ka tlâng thenhlimh Zion ah nganfâk leh sualnâk zeikhawm a um lai lo rawh,” a ti.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

ROM 8:21

thilsiam zawzawng tla ngelchel khawm chu siatnak to-aw ah mi suah hen an um lai le, Pathian fa tla thawsuaknâk rokual ah chun an lût awt asi.

2 PETER 1:4

Churuang chun, a thutiam sung tak leh rokual tak chu hawng kan pêk asi; chun, duhnâk ruangah laikulh ah râwknâk a hawng um mi hi tektâk rawh hen, chubang thutiam sung tak leh rokual tak tla ruang chun, Pathian umzia nan bâwmpi kho bâk lai.

THUPHUANG 21:1

Chun, vân thar leh tual thar ka muh le, vân masa leh tual masa chu a vei rawh, tisumsumriat khawm a um lo rawh.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.