2 PETER 3:12 - Bawm Common Language Bible Version

¹² Pathian Ni a tlung ding na ngâk liauah, thenhlimh tak hen Pathian sunhsak hen um rawh, chu Ni ah chun vân meialh hen a zawrtir lai le, vân thil tla chu linhnâk hen a zawrtir lai.

2 PETER 3:12 ပူးပေါင်းရင်းမြစ်များ

SAM 50:3

Kan Pathian chu dâisip hen a hawng lo; thinthawknâk mei chu a mâi ah a um, thlipi ṭihnungkâi chu a kiangkam ah a um.

ISAI 24:19

Tual chu a kuai hen a mân hen a kak lai.

ISAI 34:4

Nî, thlâ leh ârfi tla valeidip hâwi hen an mân dip lai. Vân chu lasuibuzual mi hâwi hen vei ving hen zual asi lai, ârfi tla chu grep leh theipi nah an tlawng mi hâwi hen an tlâ lai.

MIKAH 1:4

A tangah mi tlâng tla chu mei lakah khuailul a zawr mi hâwi hen an zawr lai, tlâng tla tî tawih hâwi hen tivakuam tla a tawih lai.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

2 PETER 3:10

Sikhawmsele, Lalpa Ni chu mifîr hâwi hen a hawng tlung lai. Chu ni tla chun vân tla chu rihâu fâk tak hen a tlâu lai le, veih asi lai; tual leh a sungah mi tla chu a kâng lai.

2 PETER 3:11

Chu zawng thil tla chu râwk a hawng si rawh chun zei hâwi hen um ding mi minung me nan si lai rawh ne?

2 PETER 3:4

“Ka hawng kal lai, a ti mi chu a hawng lo ne? A zei ah a um? Hawng kan thlâktu tla khawm an thi ver rawh, laikulh tuah tîr thawk hen thil zeizawng a mahmun kumza ko ne?” ti hen an nihsanh na lai.

2 PETER 3:7

Sikhawmsele, tuah vân tla leh tual um mi tla hi, Pathian thu ber hen mei hen veih an si lai le, Pathian sunhsaklo tla lâirêlnâk leh veihnâk ding ni rangah siah an si.

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.