2 PETER 2:3 - Bawm Common Language Bible Version

³ Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.

2 PETER 2:3 ပူးပေါင်းရင်းမြစ်များ

JOB LASUIBU 6:27

Sal ngâkṭah tla rangah changhnâk nan siam khawm ah nanmah leh nan hâwi tla rangah neihnâk nan siam mi asi.

SAM 18:44

Ramdang mi tla ka mâika ah an kûn le; an ka theih rawh chun ka thu an ngâi.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

SAM 81:15

Hawng ka huatu tla chu lâu hen ka mâika ah an kûn lai le; ka rêp na nâk chu kumleza tiang asi lai.

ISAI 5:19

“LALPA nih ti ding hen a sim mi chu khulrang tak hen ti seh, chu tikah kan muh kho lai. Israel Pathian thenhlimh nih a thiltum chu zawh ko seh; a thinlung ah zei a um kan zauh lai,” na ti.

ISAI 56:11

Annih chu ui hamkah tâwk ti nei lo mi hâwi an si. Hi bang ruitu tla nih theihthiamnâk zeikhawm an nei lo. An ektê hen mah duhzia zia hen thil an ti le, anmah rangah ṭhatnâk cho an hâwl.

ISAI 60:22

Na dâwngsungkhur tâwm chem leh nâu chem khawm, Phun rokual thiltikho tak an si lai. Tik dik tak a hawng tlung chun ka umtir sawm lai. Kei LALPA kasi!” a ti.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

EZEKIEL 13:19

Sang tâwmtê leh barley zapai khat tawng ding duh ruangah, ka mi le mâika ah nan ka siarlo. Thi lo ding mi tla nan thah na le, thi ding mi chu nan nunh na. Churuangah ka mi le sinah âwkrâwl thu nan sim le, annih nih chun an lung na,” a ti.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

HABAKUK 3:3

Pathian chu Edom ram thawk hen a hawng nawlh le; Pathian thenhlimh chu Paran tlâng thawk hen a hawng. A rokualnâk nih vân a khuh le, tual chu amah sawrnâk hen a khat.

MALAKI 1:10

LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

MATHAI 23:14

“Nannih Dân sîntirtu leh Farisai perpê tla, nan tlûn a pit! Numei tla sum nanmah nih nan ei hep le; chun, an in tla nan rawk le, chun mi muh ding hen sâwt tak thla nan cham le; hi ruangah hin mawhnâk lian dauh nan tawng lai.

LUK 18:8

Ka nan simh na, an phû a lam piak sawm lai. Sikhawmsele, Minung Fapa hi a hawng kal tikah chun laikulh ah hin lungnâk a hawng muh lai mazei?” a ti.

LUK 20:20

Chun, amah chu governor lâirêlnâk leh thuneihnâk ah tlunh ding hen a thusim sualnâk lâk ding hen an bawh le, thlingthlâktu mi ṭha hâwi hen anna tuah mi tla chu an fial.

LUK 22:47

Chun, a sim liau chirah chun, mi zapi an hawng kal le, leinih tla lakah mi Juda an ti mi nih chun an mâi a ruai na le; chun, châwchawk ding hen Jisu a hawng fûk.

JOHAN 2:16

Chun, vaṭhu zuartu tla sinah chun, “Hi bang tla hi kalpi u, ka Pa in sawlehnâk in ah mang lah u,” a ti.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

DEUTERONOMY 24:17

“An diknâk ah chun mi ngâkṭah khawm ramdang mi khawm dawktir lah u; lei â bat mi ruangah numei nipuan lâk piak lah.

DEUTERONOMY 32:35

LALPA nih lehrûl sam hen a rêp na lai le; an tlûk ding tik a tlung teh lai. An vânduainâk ni chu a nâi rawh.

1 THESALONIKA 2:5

Zeiliau khawm ah sawr telê nâk mawh, hamkah phenhnâk mawh kan mang mi an theih dah loh ti nan theih kha,

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

1 TIMOTHE 3:3

zûrît mang lo, vuak mang lo mi, a nunnêm mi, ṭhatlo rawt lo mi, tangka sum sunhsak lo mi,

1 TIMOTHE 3:8

Chu hâwi ber hen kawhmi tla rianṭuantu tla chu mi zahkâi an siding asi; mi ka tam, zû duh mi, lêpnâk nâwmtâm ah hamkah mi an siding asi loh.

1 TIMOTHE 6:5

chu hâwi êlrât mi tla chu thinlung ṭhalo nei leh thudik nei lo mi Pathian sunhsak hi dingchangnâk mawh titu an si.

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

2 PETER 1:16

Kan Lalpa Jisu Krist thiltikho zia leh a hawng kalnâk thu kan theihtir na liau khan thiamthu fing tla zâwttu kan si lo le, a rokualnâk muhtu tla kan si dauh.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.

JUD 1:16

Chubang tla chu chipchiartu leh mi simsâwitu tla an si le, anmah duhnâk hâwi vima hen an um le, an kâ hen khâwngnâk thu dawh lo tak an sim le, anmah siremnâk cho tawng ding hen mi an sunhsak na tâwn.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

JUD 1:7

Sodom leh Gomorah leh a kiangkam mi khua ah an um mi tla nih, vânmifial tla hâwi hen hurnâk leikâng thil ti hen kalsualtu tla chu fiang tak hen simh an si hâwi hen zungzâl mei lakah rêp an si mi kha theihkumza u.