2 PETER 2:21 - Bawm Common Language Bible Version

²¹ Lampi rep chu theih nûnah, thupêk thenhlimh an sinah a kiltir na mi chu kaltâk ngak chun, lampi rep chu theihlo dâidua na sele an rang a ṭha dauh lai.

2 PETER 2:21 ပူးပေါင်းရင်းမြစ်များ

SAM 125:5

Sikhawmsele, misual tla na rêp tikah chun Na lampi zawh lotu tla khawm rêp na. Israel tla sinah remnâk um seh!

SAM 85:8

LALPA Pathian nih a sim mi chu ka ngâi le; kan âtnâk lampi leiah kan kîr nawlh lo asi chun a mi le tla sinah thlangamnâk hawng kan tiamh.

THUFING LASUIBU 12:28

Repnâk chu nungnâk lampi asi le, sualnâk chu thihnâk leiah kalnâk lampi asi.

THUFING LASUIBU 16:31

Sansâunâk hi mirep lâwmman asi. Sam pâr hi rokualnâk lallukhuh asi.

EZEKIEL 18:24

“Sikhawmsele, mirep nih thil ṭha ti a bâng hen, thilsual ti a dawmh sele, misual nih an ti mi thil fihnungkâi ti sele, a nung lai ma? Nung lai lo! A thil ṭha ti tla zeikhawm theih piak asi lai lo. Zumh a kâilonâk leh a sualnâk ruangah a thi lai.

EZEKIEL 23:13

A hur tatak zia leh a masa dauh mi a unu hâwitê a hur bâk ti ka muh.

EZEKIEL 3:20

“Mi ṭha nih thilsual a hawng ti palh hen, ṭihnungkâi mun ah ka siah liauah nangnih nun na simh lo chun a thi lai. A sual ruangah a thi lai le, a thil ṭha ti chu ka theih awtlo, a thihnâk mawh chu nangmah tlûnah ka thâng lai.

EZEKIEL 33:13

Mi ṭha rangah nung ding hen thu ka tiamh kho, sikhawmsele a lânah thil ṭha ka ti mi â tâwk vaih ti hen thilsual a ti chun, a thil ṭha ti rerêng ka theih piak awtlo.

ZEPHANIAH 1:6

Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

MATHAI 21:32

Johan chu repnâk leikâng ah chun nan sinah a hawng kal le, amah chu nan lung lo le, siah khawlhtu tla leh nunau â zuar mi tla lam nih chun amah chu an lung le; nanmah nih chu chu nan muh nûn khawm ah amah chu nan lung khonâk ding hen nan rim lêm lo.

LUK 12:47

“To-aw a pu duhzia theih ko na hen râlring lo hen a pu duhzia hâwi khawm tilo mi chu vei tam tak vuak asi lai;

JOHAN 15:22

Kei hawng kal hen an sinah thu sim lo sele, sual an nei lo ding mi; tu lam chu an sual phelhsawlhnâk an nei lo rawh asi.

JOHAN 9:41

Chun, Jisu nih an sinah, “Mitchâw si u le chu sual nan nei lo ding mi; sikhawmsele, ‘Kan muh kho,’ tu ah na ti dangâiah, churuang chun nan sual a um kumza asi,” a ti.

ROM 7:12

Chun, Dân chu a thenhlimh asi, thupêk khawm a thenhlimh le, â rep le, a ṭha asi.

GALATIA 6:2

Nan thilrit phurh tla chu a sâwng tawnh u, chun Krist dân thu chu nan zâwt mi asi lai.

1 THESALONIKA 4:2

Lalpa Jisu zârah zei thu tla me kan pêk na nan theih kha.

1 TIMOTHE 6:14

Kan Lalpa Jisu Krist a hawng a langh lânlo chu thupêk kha thenhlimh tak leh simsâwinâk um lo hen tleih rawh.

HEBRAI 10:26

Thudik theihnâk rangtling chu kanna ting nûnah thilsual kan ti êu chun sual tla rangah bâwlnâk a um rîlmâl lai lo rawh.

JEM 4:17

Churuangah, âuzawng thil ṭha ti ding theih ko hen tilo chu sual asi.

2 PETER 3:2

Khuavâng thenhlimh tla thu simhkan leh nan mifial tla kâ ah leh, Lalpa leh Ruangsuahtu thupêk chu nan theihkumza ding hen ka nan duh na asi.

JUD 1:3

Duhtak le tla, kanna ting chiau mi ruangsuahnâk thu nan sinah rîn ka tum liauah, mi thenhlimh tla sinah lungnâk veikhat pêk rawh mi thu ah lungnâk ruangah râltuk ding hen an fawrh na ding hen nan sinah lasuikuat rîn ding hen a herh ti ka theih.