2 PETER 2:20 - Bawm Common Language Bible Version

²⁰ Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.

2 PETER 2:20 ပူးပေါင်းရင်းမြစ်များ

EZEKIEL 33:13

Mi ṭha rangah nung ding hen thu ka tiamh kho, sikhawmsele a lânah thil ṭha ka ti mi â tâwk vaih ti hen thilsual a ti chun, a thil ṭha ti rerêng ka theih piak awtlo.

LEVITICUS 13:20

Bâwlpu nih a nik lai le, chu a mâ chu a kiangkam vun ngâk hen thûk hen a lang chun a mul khawm a ngo chun a thianglo ti a phuang ding asi. Chu khuailumâ lakah vun râi ṭihnungkâi a hawng um mi asi.

LEVITICUS 13:55

Churawhchun, a nik lai le, chu buar râi chu amah mun nget asi chun zan lâh menza khawmsele thianglo hen nget ngaih asi lai; a mâ chu dunglei khawm si seh, mâilei khawm si seh na duah ding asi.

LEVITICUS 14:43

In tla sak nawlh hen a vâm tla sawng asi nûnah buar râi a hawng lêng nawlh chun

NUMBER 24:20

Churawhchun, Balaam nih langhnâk ah Amalek mi tla a muh na le, hi thu hi a sim: “Amalek chu phun zawzawngah chak chem mi asi le, Sikhawmsele a dawnghnâk ah lam chun a vei pawt lai,” a ti.

DEUTERONOMY 32:29

Zei ruangah neh hen kan um ti khawm an theih lo; zei thil me a hawng tlung ti khawm an theih kho lo.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

2 TIMOTHE 2:4

Kawrsen ah um ding hen thîmtu chu a lawmhtir khonâk ding hen, kawrsen âukhawm râltuk liauah tuliau damsung khuasaknâk tla ah a nawktir dah loh.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

2 PETER 1:11

Hi hâwi hen, Jisu Krist kan Lalpa leh ruangsuahtu zungzâl ram ah lût khonâk chu pêk nan si lai.

2 PETER 1:2

Pathian leh kan Lalpa Jisu theihnâk lakah chun, nan tlûnah zângfahnâk leh remnâk pungtir hen um seh.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

2 PETER 1:4

Churuang chun, a thutiam sung tak leh rokual tak chu hawng kan pêk asi; chun, duhnâk ruangah laikulh ah râwknâk a hawng um mi hi tektâk rawh hen, chubang thutiam sung tak leh rokual tak tla ruang chun, Pathian umzia nan bâwmpi kho bâk lai.

2 PETER 1:8

hi thil tla hi nan herh mi chu asi, chubang chu tam tak nan nei chun nan tha an thawktir na lai le, kan Lalpa Jisu Krist theihnâk ah chun an chaktir na lai.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.