2 PETER 2:2 - Bawm Common Language Bible Version

² Chun, mi tam tak nih an hurnâk leikâng thilti an zûl lai le, chu an thilti ruang chun thudik chu simsiat asi lai.

2 PETER 2:2 ပူးပေါင်းရင်းမြစ်များ

GENESIS 19:5

Lot chu an auh le, “Tuzân ah na in ah riak ding hen an hawng mi minung tla kha zeiah an um? Kan sinah hawng suah na!” an ti. Sodom khua mi tla nih pung na ding an tum.

SAM 18:21

LALPA dân chu ka zâwt le, ka Pathian chu ka hawitâk lo.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 7:14

Nungnâk ah kalnâk kawtkâ chu a bî le, a lam khawm a tawr le, a tawngtu tla khawm tâwmtê an si.

MARK 12:14

Chun, annih chu an hawng tlung rawh chun a sinah, “Sîntirtu, mi dik tak na si le, âukhawm ṭih leh zah khun na nei lo ti kan theih, âukhawm thliar leh dang lo hen, sîset hen Pathian lei thu na sîntir tâwn asi. Kaisar sinah siah châwi hi dân asi ma, si lo? Kan pêk lai ma, pêk lai lo?” an ti.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

THILTI 13:10

“Nang diabol fapa, nang repnâk zawzawng huatupa Lalpa lampi rep tak tla hi siattir na bâng lo mu?

THILTI 14:2

Sikhawmsele, lunglotu Juda tla nih Phundang tla chu an fawrh na le, unau tla chu an huatir na.

THILTI 16:17

Chu minung nih chun Pawl leh kanmah a hawng kan zûl le, “Hi bang minung ruangsuahnâk lampi simtu tla hi Chungnungchem Pathian to-aw an si,” ti hen a âu.

THILTI 18:26

Chun, pumhnâk in ah râlṭha tak hen thusim â dawmh rawh. Chun, Priskili leh Akuila nih chun a thusim an theih le, an in ah an kalpi le, a sinah Pathian Lampi thu rep khun hen an simhfiang rawh.

THILTI 19:9

Sikhawmsele, a zeimaw mi an lungkhung le, an lung duh lo le, Lalpa Lampi chu mi zapi mâika ah an simsâwi. Churuangah Pawl nih chun a kaltâk na le, ṭhiruai tla chu a dang hen a kalpi na, nisiar hen Turana sîntirnâk in ah thuruatnâk a nei tâwn.

THILTI 22:4

Chun, hi leikâng zûltu tla hi thah ding rê hen ka nehsawh na tâwn le, nunau mipa hen ka phuar tâwn le, rêngin ah ka khumhtir na tâwn.

THILTI 24:14

Sikhawmsele, hi thu hi na sinah ka phuang lai, ‘murui dang,’ an ti mi leikâng dân hâwi hen hawng kan thlâktu tla Pathian ka sawnh tâwn-- Dân leh khuavâng tla lasuibu ah rîn mi zawzawng lung hen.

ROM 2:24

Pathian thu nih a sim hâwitê khan Pathian min chu nanmah Juda tla ruangah Phundang tla lakah siattir hen a um rawh asi.

1 TIMOTHE 5:14

Chun, numei nungâk dauh mi tla nih chun pasal nei sele, fa tla nei sele, dâwngsung lâirêl sele, simsawinâk ding tik dêngkhâwng rerêng mêlma chu tawngtir lah sele ka duh asi.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

2 PETER 2:12

Sikhawmsele, hi bang dawnruatnâk nei lo tla hi, vâkrit hâwi cho hen suak an si le, thil an theihthiam lo mi tla chu an simsiat le, anmah khawm ramsa hâwi hen veih hen an um lai.

2 PETER 2:15

Beor fapa Balaam thilsual ti hen tangka tawng ding duhtupa lampi chu zawh hen, lampi dik chu an mâk le, lampi an vâi rawh.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

2 PETER 2:21

Lampi rep chu theih nûnah, thupêk thenhlimh an sinah a kiltir na mi chu kaltâk ngak chun, lampi rep chu theihlo dâidua na sele an rang a ṭha dauh lai.

2 PETER 2:7

Lot mirep tak, misual umdân hur tak mi ruangah ngaihsia thlo tâwn mi chu ruang a suah rawh.

JUD 1:10

Chu tla nih chun thu an theih lo mi tla chu an simsiat le, dawnruatnâk nei lo, ram sa tla hâwi hen, theihnâk anna suakpi mi nih chun anmah tla a râwk na.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

JUD 1:7

Sodom leh Gomorah leh a kiangkam mi khua ah an um mi tla nih, vânmifial tla hâwi hen hurnâk leikâng thil ti hen kalsualtu tla chu fiang tak hen simh an si hâwi hen zungzâl mei lakah rêp an si mi kha theihkumza u.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.