2 PETER 2:19 - Bawm Common Language Bible Version

¹⁹ Anmah chu râwknâk sal si bû hen, midang rangah sal suaknâk thu an simh na tâwn, âuzawng hawng kan nehtu chu sal ah hawng kan siamtu an si.

2 PETER 2:19 ပူးပေါင်းရင်းမြစ်များ

ISAI 28:1

Israel lalram chu a vânduai rawh! A rokualnâk chu a ruitu zurî lû ah chawmpâr lallukhuh hâwi hen a nawh rawh. Anna zumhnâk lû chu rimthâw an thuh le, sikhawmsele chunah chun zurî bû hen an rîl ko.

JEREMIA 23:9

Ka thinlung â râwk le, ka thir LALPA ruangah, a thu thenhlimh ruangah, uain a din tam tuk le, a rî mi hâwi kasi.

LEVITICUS 13:8

Bâwlpu nih a nik nawlh lai le, a mâ chu a lâwn vima ruangah thianglo asi ti hen a phuang ding asi; chu chu vun râi ṭihnungkâi asi.

JOHAN 8:34

Jisu nih an sinah, “Thungâi tak hen ka nan simh na, âuzawng thilsual titu vial sual sal asi.

THILTI 19:16

Chun, khuri nei nih chun a per nawh na le, an ektê hen a neh na le, chun chu in thawk hen chun takkaro leh liam hen an tek.

GALATIA 5:1

Sal si lo ding hen Krist nih hawng kan suah kha, chun bir tak hen dîr ule, sal liangbat lakah chun tâng nawlh lah u.

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

2 TIMOTHE 2:26

Pathian duhzia ti ding hen Lalpa to-aw nih a tleih hen, diabol thang lakah mi an suak kho dah ah.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 PETER 2:16

Thawsuak tak hen um u, nan thawsuaknâk chu zei sual tal phenhtu ah mang lah u, Pathian to-aw hâwi hen um dauh u.

2 PETER 1:4

Churuang chun, a thutiam sung tak leh rokual tak chu hawng kan pêk asi; chun, duhnâk ruangah laikulh ah râwknâk a hawng um mi hi tektâk rawh hen, chubang thutiam sung tak leh rokual tak tla ruang chun, Pathian umzia nan bâwmpi kho bâk lai.

2 PETER 2:20

Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.