2 PETER 2:14 - Bawm Common Language Bible Version

¹⁴ An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

2 PETER 2:14 ပူးပေါင်းရင်းမြစ်များ

JOB LASUIBU 31:7

Lampi dik lakah mi ka pial hen, sual leikângah kuih hen ka um hen, ka kut nih thilsual a ti chun,

JOB LASUIBU 31:9

Ka in pah nupi lakah ka thinlung a um hen, a thup hen lenglei ka bawh chun,

THUFING LASUIBU 5:6

Nungnâk lampi leikângah a um lo le, a vei le, thil a hawng um mi tla zeikhawm theihnâk a nei lo.

THUFING LASUIBU 6:25

Anna dawhnâk nih na lung an thawktir lah seh; an mit meng dân nih rân an tângtir lah seh.

ISAI 1:16

Thiang ver hen a ṭâwl u. Thilsual nan ti mi ka muh mi tla hi bâng u.

ISAI 34:5

LALPA nih a nâmsâu chu vân ah a timhtuah le, tuah Edom mawhtir hen râwk a tum mi chu a vuak awt.

ISAI 65:20

Fasêm thih khawm a um lai lo rawh le, minung san khawm sâutir asi lai. Kum zâ cho a dam mi chu seinotê ah ruat asi lai. Chu lânah a thi mi chu ka rêp na mi singsiahnâk asi lai.

JEREMIA 13:23

Mi dum nih a vun a dangtir kho hen keitê nih a ṭial a veih kho mazei? Chu hâwi an ti kho asi chun, nang thilsual cho lo chu zeikhawm tilotu nih thil dik ti ding na theih kho lai.

EZEKIEL 13:18

LALPA Zahkâi nih an sinah thu a sim mi simh na: “Nannih nunau tla nan vân a duai! Dâwi nan ṭhit mi mikip bân ah nan khimhtir na le, dâwi upâwng mikip lû ah pawnh ding hen nan siam, midang nungnâk lakah thiltikhonâk an nei kho ding hen. Nanmah ṭhatvaknâk ah mang ding hen ka mi le tla an ṭhih leh an nungnâk thu ah an tlûnah thiltikhonâk nei ding nan duh.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 23:14

“Nannih Dân sîntirtu leh Farisai perpê tla, nan tlûn a pit! Numei tla sum nanmah nih nan ei hep le; chun, an in tla nan rawk le, chun mi muh ding hen sâwt tak thla nan cham le; hi ruangah hin mawhnâk lian dauh nan tawng lai.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

MATHAI 5:28

Kei lam nih chun, âuzawng nunau duhnâk nei hen zauhtu vial chu a thinlung ah ṭângdang a pawmtâk ving rawh ti ka nan simh na.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

1 KORIN 11:19

Nan lakah a tak tak tla chu an lang khonâk ding hen nan lakah lungnâk dang a um ding rerêng asi.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

EPHESI 4:14

fing perpet a minung perpet bû hen, sîntirnâk thli kip nih khatlei khatlei ah vawrh leh ranh mi ngâksia kan si lai lo rawh le,

KOLOSA 2:18

Âukhawm mah duh thu ko a dawnhkhonâk leh vânmifial sawnhnâk mang hen nan lâwmman chu a nan suh lah na seh, an thil muh tla lakah chun um kumza hen, an taksa lei thinlung ruangah a zûm salam hen, Lû chu tleih thlir ṭung lo hen an um.

JEM 1:8

thinlung reprâi nei lo hen thil a tinâk zawng ah bir lo mi asi ruangah.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.

2 PETER 3:16

Asi, chubang thu chu a lasuikuat zawzawng lakah, hi thu hi a sim asi; chu lak chun thu theih har tak tla khawm a um le, mi finglo leh mi birlo tla nih Pathian lasui thu dang an ngâi sual mi hâwi hen, an ngâi palh le, mah le mah anna tlâutir phah tâwn.

1 JOHAN 2:16

Laikulh ah thil a um mi zawzawng, taksa duhnâk tla, mit duhnâk tla, dam kar rokualnâk tla hi Pa thawk hen suak asi lo, laikulh thawk hen suak asi dauh.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.