2 PETER 2:10 - Bawm Common Language Bible Version

¹⁰ Chubang tla chu, an taksa duhnâk nâwmtâm lei zûltu tla leh Pathian thuneihnâk zauhnawmhtu tla an si. Hi sîntirtu telê tla hi an râlṭha hen anna zûm le, tlûnlei mi rokualnâk khawm zahnâk an nei lo le, an do lehlam asi.

2 PETER 2:10 ပူးပေါင်းရင်းမြစ်များ

GENESIS 49:6

A thup hen an thuruatnâk ah chun ka tel lai lo le, Anna to-hâwng nâk khawm ah telnâk ka nei lai loh, An thinrun hen mi tla an thah ruangah. Châwchal tla an pangpi hen khêng leh bei hen an siam.

2 SAMUEL 20:1

Gilgal ah mi dukdaklo a min Sheba, Bikri fapa, Benjamin phun lakah mi a um. Chu nih tâwtâwrâwt a tum le, “David rangah nawmh hen! David rangah zûl ding asi lo, ‘Israel mi tla, mah in lei chiauah kal hep ding’ ” ti hen.

1 Lal 12:16

Mi zapi tla nih chun lalchem nih an thu a ngâi piak duh na lo ti an theih rawh chun, “David leh a dâwngsungkhur tla chu niamh hen um seh! Kan rangah zei thil me an ti mi a um? Israel mi tla, kan tlung lai rawh! Rehoboam chu amah leh amah a zauhkhenh seh!” an ti. Churawhchun, Israel mipi tla chu an hel le,

SAM 12:4

“Kan thu hen kan duh mi chu kan tawng. Kan duh mi zawng kan sim, âukhawm nih hawng kan khap kho lo.”

EXODUS 22:28

“Pathian rangah simsiat lah, na hotu tla khawm siatbarh lah.

THUSIMTU 10:20

Lalchem chawngawih leh, a thuptê khawm hen minei khawm chawngawih lah, na ihkhun ah nangmah lâwng khawm ah. Na thusim chu va nih a kalpi lai le, a simh na lebang lai.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

NUMBER 15:30

Sikhawmsele, zei minung tal a sual êu mi chu, a ram mi mawh ramdang mi mawh khawm si seh, LALPA nehsawhtu leh zauhnawmhtu asi.

LUK 11:25

Chun, a va tlung rawh chun, phiat ver hen, timhtuah hen a muh.

LUK 19:14

Sikhawmsele, a ram mi tla nih an hua le, Hi minung hi kan lalchem rangah kan duh lo,’ ti hen a dung leiah mi an fial.

THILTI 23:5

Chun, Pawl nih, “Unau le tla, Bâwlpu Lalchem asi ti ka theih loh asi; ‘Na unau tla hotu tlûnah thu ṭhalo sim lah, ti hen khawm rîn asi,” a ti.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

1 KORIN 6:9

Asi chun, mirep lo tla nih chun Pathian Ram an luah lai loh ti nan theih lo masi? Perpet hen um lah u; pung-le-lêng mang tla mawh, ruk sawnh tla mawh, ṭângdang pawmtâktu tla mawh, mi hur tla mawh, tawkua hur tla mawh,

2 KORIN 10:3

Taksa ah um khawmsele taksa do hâwi hen kanna do lo le,

EPHESI 4:19

Chubang tla nih chun theihkhonâk an nei lo ruangah thil nâwmtâm kip hamkah tak a ti ding hen hurnâk ah anna pumpêk rawh.

EPHESI 5:5

Pung mang leh mi nâwmtâm leh mi duhlei rerêng nih chun (mi duhlei chu ruk sawnhtu asi) Krist leh Pathian Ram ah chun tingvo rêng an nei lo ti nan theih asi.

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;

1 THESALONIKA 4:7

Pathian nih nâwmtâm ding hen a kan kawh lo le, thenhlimh ding hen hawng kan kawh dauh asi.

2 TIMOTHE 3:2

Mi, mah â zângfah mi tla, tangka sunhsaktu tla, â khâwng mi tla, â zûm mi tla, Pathian simsiattu tla, nu leh pa thu ngâilo tla, lâwm dân theih lotu tla, thenhlimh lo tla,

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.

JUD 1:10

Chu tla nih chun thu an theih lo mi tla chu an simsiat le, dawnruatnâk nei lo, ram sa tla hâwi hen, theihnâk anna suakpi mi nih chun anmah tla a râwk na.

JUD 1:16

Chubang tla chu chipchiartu leh mi simsâwitu tla an si le, anmah duhnâk hâwi vima hen an um le, an kâ hen khâwngnâk thu dawh lo tak an sim le, anmah siremnâk cho tawng ding hen mi an sunhsak na tâwn.

JUD 1:18

“Tik madung ah chun, Pathian sunhsaklo leikângah, mah duhnâk hâwi vima a um hen, zauhnawmhtu tla an hawng um lai,” ti hen nan sinah ka sim rawh kha.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

1 SAMUEL 10:27

Sikhawmsele, mi rualo tla zeimaw mi nih, “Hi minung nih kan rangah zei thil ṭha me a ti kho lai,” an ti. Saul rangah an siarlo le, zei thilpêk khawm an pêk lo.