2 PETER 2:1 - Bawm Common Language Bible Version

¹ Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

2 PETER 2:1 ပူးပေါင်းရင်းမြစ်များ

1 Lal 22:6

Ahab nih khuavâng lakah mi zali a kawh na, thu a deih na, “Ramoth khua do ding hen ka kal lai ma, kal lai lo?” a ti. Annih nih an sâng le, “Do rawh, LALPA nih neh ding hen a nan pêk awt,” an ti.

EXODUS 15:16

Lâunâk leh ningṭihnâk an lakah a tlung. LALPA, na chak zia an muh le, sal na suah mi tla nih varâl lei an kâi thluh lânlo chu lâu leh ṭangpi duh hen an dîr.

ISAI 9:15

Anmah lakah tar leh mi zahkâi tla chu lû an si le, mei chu khuavâng âwkrâwl thusimtu tla chu an si!

JEREMIA 29:21

“LALPA Zeizawng tikho, Israel Pathian nih Kolaiah fapa Ahab leh Maaseiah fapa Zedekiah a min hen âwkrâwl thu an simh natu thâwngthâng a sim. Anih nih chun Babulon lalchem Nebukadnezar thiltikho tak, nan mitmuh ah thah natu ding mi kutah a pêk na ding mi thu a sim.

JEREMIA 37:19

Nangmah mawh ram mawh Babulon lalchem nih a nan do lai loh ti hen an simhtu na khuavâng tla tlûnah zei a hawng tlung rawh ne?

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

LUNGFÂKNÂK 2:14

Na khuavâng tla khawm nih âwkrâwl thu cho lo chu zeikhawm sim ding an nei lo; Na sualnâk langh lo hen an thusim nih a nan perpet. Rim ding a herh lo ti ruatnâk a nan neihtir na.

HOSEA 9:8

Israel mi tla theihtirtu ding ah Pathian nih khuavâng ah hawng ka fial. Sikhawmsele ka kalnâk mun kip ah thang nih va a awh mi hâwi hen tleih ding nan hawng ka tum. Pathian ram ah mi tla chu khuavâng mêlma tla an si.

MIKAH 2:11

Hi bang minung tla nih hin, âwkrâwl thu karo sim hen perpettu khuavâng, “Uain hâng nan rangah a luang ding mi thu ka sim,” ti hen thusimtu tla chu nan duh.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 3:5

Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 10:33

Sikhawmsele, âuzawng mi le tla mâika ah an hawng ka phehtu zawng ka Pa vân ah mi mâika ah ka pheh bâk lai.

MATHAI 24:11

Chun, khuavâng telê tam tak khawm an hawng suak lai le, mi tam tak an perpet lai.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 24:5

Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet awt ruangah.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

LUK 12:9

Sikhawmsele, mi le mâika ah hawng ka phehtu chu Pathian vânmifial tla mâika ah pheh asi bâk lai.

LUK 21:8

Chun, anih nih chun, “An perpet na lonâk ding hen a thiamthih u. Mi tam tak nih, ‘Amah chu kasi, a tik a tlung rawh,’ ti hen, keimah min sâl hen an hawng lai; chu minung tla chu zûl lah na u.

LUK 6:26

“Mi zawzawng nih an nan sawr na tikah nan tlûn a pit teh lai. Chu hâwi ber hen an thlâktu tla nih khuavâng telê tlûnah an ti kha.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

1 KORIN 11:19

Nan lakah a tak tak tla chu an lang khonâk ding hen nan lakah lungnâk dang a um ding rerêng asi.

1 KORIN 6:20

Churuangah, nan taksa hen Pathian chawnglawmh u.

1 KORIN 7:23

Man hen châwk nan si rawh, minung tla sal si lah u.

GALATIA 2:4

chu chu unau telê a thup hen an hawng lûtpi na mi ruangah asi; chubang tla chu to-aw ah hawng kan siam khonâk ding hen Krist Jisu ah chun thawsuaknâk kan nei mi hi thlingthlâk ding hen a thup hen an lût.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

GALATIA 4:17

Ṭha leikângah silo hen, semsêngâi tak hen an hâwl na tâwn le; asi, anmah tla nan hâwl khonâk ding hen lênglei ah an khâr khumh na ding an duh asi.

GALATIA 5:20

Duhnâk, nâwmtâmnâk, hurnâk, ruk sawnhnâk, dâwi thiamnâk, huatnâk, tawhnâk, thîknâk, thinthawknâk, mah kawngkâ ruatnâk, a dang hen umnâk, a dang hen lungnâk,

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

EPHESI 4:14

fing perpet a minung perpet bû hen, sîntirnâk thli kip nih khatlei khatlei ah vawrh leh ranh mi ngâksia kan si lai lo rawh le,

DEUTERONOMY 32:6

Nannih mi â leh theihnâk nei lo tla, LALPA nan ti ding mi chu hi hâwi mazei asi? An siam natu, phun ah an siam natu nan pa chu asi.

PHILIPI 3:19

chubang tla dawnghnâk chu veihnâk asi, an pathian chu taksa duhnâk asi, anna khâwngnâk chu an mualphonâk asi, laikulh thil tla an duh tâwn asi.

KOLOSA 2:18

Âukhawm mah duh thu ko a dawnhkhonâk leh vânmifial sawnhnâk mang hen nan lâwmman chu a nan suh lah na seh, an thil muh tla lakah chun um kumza hen, an taksa lei thinlung ruangah a zûm salam hen, Lû chu tleih thlir ṭung lo hen an um.

KOLOSA 2:8

Thiamthih u, chu lo chun âuzawng nih Krist thu hâwi silo hen, minung thurovuih leh laikulh thlarau tla lâirêlnâk hâwi dauh hen an thufing leh perpetnâk salam hen râl lâk hen an lâk na lebang lai.

1 TIMOTHE 5:8

Sikhawmsele, âuzawng nih mah unau rualsia tla ruatkan lo hen, mah insungkhur mi men a ruatkan lo chun, lungnâk chu a pheh khalh le, lunglo mi tla ngâk hen a sual dauh asi.

2 TIMOTHE 4:3

Sîntirnâk dik an ngâi huam lo tik a hawng tlung awt ruangah; an nâ tla a zâ ruangah anmah duhkâng mi sîntirtu tla an sinah an pumh na lai le,

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

TITA 3:10

A dangtê hen lungnâk nei mi chu veikhat veinih nunsimh nûnlêm chun duh lah;

HEBRAI 10:29

Pathian Fapa zei siarlo hen, thudântuk thisen amah thenhlimhtirnâk chu thil salam a ruat hen zângfahnâk thlarau vûirâmtirtu tla chu zei hâwi tluk rêpnâk fâk dauh tuar tlâk siding hen me nan ruat?

1 PETER 1:8

Amah chu muh lo khawm ule, nan dâwt le, chun amah chu tuah nan muh lo khawmsele nan zumh; chun sim kho lo rê mi lâwmnâk rokual hen a nan khattir na asi.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.

1 JOHAN 2:26

Nanmah tla an bum awt natu thâwngthâng chu nan sinah ka rîn asi.

1 JOHAN 4:1

Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.

JUD 1:18

“Tik madung ah chun, Pathian sunhsaklo leikângah, mah duhnâk hâwi vima a um hen, zauhnawmhtu tla an hawng um lai,” ti hen nan sinah ka sim rawh kha.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

THUPHUANG 3:8

Na thilti zia tla ka theih; ka sîntirnâk thu tla na zûl hen zumhkâi tak hen na um le, thiltikhonâk tâwmtê na nei ti ka theih, âukhawm nih an khâr kho lo mi kawtkâ na mâika ah kan awng piak asi.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

THUPHUANG 6:10

Annih nih chun aw-hâu fâk tak hen, “Lalpa, Zeizawng tikhotu, Mi Thenhlimh leh dik tak! Zei tiang me lâirêl lo hen tual ah an um mi tla tlûnah kan thisen suaknâk phû chu lam lo hen na um awt? ti hen an âu.