2 PETER 1:8 - Bawm Common Language Bible Version

⁸ hi thil tla hi nan herh mi chu asi, chubang chu tam tak nan nei chun nan tha an thawktir na lai le, kan Lalpa Jisu Krist theihnâk ah chun an chaktir na lai.

2 PETER 1:8 ပူးပေါင်းရင်းမြစ်များ

THUFING LASUIBU 19:15

Na duh chun zângzê tak hen um le, it kumza ko; na sung a vâng nget lai.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 20:3

Chun, dâr kua ding liauah a va suak le, midang sumtuah mun ah dîr salam mi tla a muh le;

MATHAI 20:6

Chun, dâr nga ding liauah a va suak le, midang dîr mi tla a muh le, chun an sinah, ‘Zei rangah me nî tlâk hen hinah nan dîr salam?’ a ti.

MATHAI 25:26

“A pu nih chun a sinah, ‘To-aw rualo leh zângzêpa, ka tuh lonâk khawm ah ka ât mi leh ka vawrh lonâk ah ka pumh tâwn ti na theih mu?

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 5:42

nannih kan theih na, Pathian dâwtnâk nan thinlung ah nan nei lo.

ROM 12:11

Chawnglawmh leikângah chun a duh piak tawnh ule; taimâk suah leikângah chun zângzê lah ule, thlarau leikângah chun ṭhanemsemsê ngâi ule, Lalpa rianṭuan u.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

2 KORIN 13:5

Lungnâk ah chun nan um mawh nanmah ngelchel a nik tâwn u; nanmah ngelchel a zauhfiang u. Asi lo leh, nanmah lakah Jisu Krist chu a um ti nanmah tak nih nan theihfiang lo mazei? Duh lo mi nan si lêm lo chun.

2 KORIN 8:2

Kha hâwi hen hamh hen niknâk fâk tak lakah thungâi anna lâwm, an pâm thlo khawmsele hawknâk fâk tak ah â chang zia kha.

2 KORIN 8:7

Chun, zeizawng lungnâk tla, thusim thiamnâk tla, theihnâk tla, ṭhanemsemsê ngâinâk zawzawng tla, hawng kan zângfahnâk tla nan nei hâwi hen chu zângfahnâk khawm chu nan nei tam khonâk ding hen taimâk suah u.

2 KORIN 9:14

Anmah tla tak khawm nih nan tlûnah Pathian zângfahnâk fâk tak ruangah nan rangah thla an cham piak na lai.

PHILIPI 1:9

Chun, nan zângfahnâk nih theih rangtlingnâk leh fâifîmnâk zeizawng ah a nei khunnâk ding hen thla ka cham tâwn hi; chun, Pathian rokualnâk leh sawrnâk ding ah Jisu Krist zârah repnâk rah um mi hen hawng khat hen, Krist ni rangah a tak tak leh simsâwi kawplo nan si khonâk ding hen thil ṭha khun tla chu ṭha nan ti kho lai.

PHILIPI 2:5

Hi thinlung, Krist Jisu khawm ah um mi kha nanmah lakah um seh:

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 3:16

Krist thu chu finghnâk kip hen nanmah lakah um chiau seh; sawrnâk la tla, Pathian la tla, Thlarau lei la tla a sîntir hen nun a simhtawnh ule, thinlung zângfahnâk nei hen Pathian chu la sak piak u.

1 THESALONIKA 3:12

Chun, nanmah leikângah zângfahnâk kan nei hâwi hen, nanmah leikângah zângfah tawnhnâk leh mi zawzawng leikângah zângfahnâk chu Lalpa nih chun an pungtir piak na hen an chawngtir na seh.

1 THESALONIKA 4:1

Chun, unau le tla, a dawnghchem ah chun, nan umdân ding leh Pathian nan lawmhtir ding dân, tuah nan umdân hâwi hi kan sinah mi nanna ting hâwi khan nan châwng khunnâk ding hen Lalpa Jisu ah kan ngiar na hen kan fawrh na asi.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

1 TIMOTHE 5:13

Chun, chu lo khawm chu an tawihnâk in thawk hen in dangah anna kah vima le, zângzêt khawm an mang; zângzêt lâwng khawm silo hen thu sim lo ding mi sim hen kâ tam leh mi thilti sim le rêl piak an mang asi.

TITA 3:14

Kan mi tla khawm nih chun rah lo hen an um lonâk ding hen samphângnâk herh rang ding ah chun thil ṭha ti vima a sîn na seh.

PHILEMON 1:6

Ka thlachamnak chu, lungtu kan sinâk ah hin Krist hen kanna tlâinâk nunchan, malsâwmnâk kip theihnâk thûk dauh kan nei mi hawng suah ding hen asi.

HEBRAI 6:12

Nanna dâithlanh ding ka nan duh na loh, a lung mi tla leh felfê mi tla leh Pathian thutiam anna ting rawh mi tla hâwi hen nan um ding hen ka nan duh dauh na.

2 PETER 1:2

Pathian leh kan Lalpa Jisu theihnâk lakah chun, nan tlûnah zângfahnâk leh remnâk pungtir hen um seh.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

2 PETER 2:20

Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.