2 PETER 1:7 - Bawm Common Language Bible Version

⁷ nan Pathian sunhsaknâk lakah chun unau tla dâwtnâk telh ule, unau tla nan dâwtnak lakah chun dâwtnâk singsuan nei u;

2 PETER 1:7 ပူးပေါင်းရင်းမြစ်များ

ROM 12:10

Unau tla siherh leikângah chun siherh tak hen a siherh tawnh chiau u.

GALATIA 6:10

Chun, tik a rem zia hâwi vima hen mi zawzawng tlûnah thil ṭha kan ti lai, lungnâk dâwngsung tla lakah mi tlûnah kan ti dauh chem ding asi.

KOLOSA 3:14

Chun, chubang zawzawng lakah chun zângfahnâk nei u, chu chu phuar rangtlingnâk asi.

1 THESALONIKA 3:12

Chun, nanmah leikângah zângfahnâk kan nei hâwi hen, nanmah leikângah zângfah tawnhnâk leh mi zawzawng leikângah zângfahnâk chu Lalpa nih chun an pungtir piak na hen an chawngtir na seh.

1 THESALONIKA 5:15

Âukhawm nih âu sual khawm sual hen rulh lo ding hen a thiamthih u; thil nanna ti piak tawnhnâk leikângah leh mi zawzawng tlûnah nanna ti piaknâk leikâng khawm ah a ṭha lei vial ti kumza u.

HEBRAI 13:1

Krist ah unau nan si ruangah a dâwt tawnh u.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 2:17

Mi zawzawng chawnglawmh u, na unau lungtu tla dâwt na le, Pathian ṭih u, chun Lalchem chu chawnglawmh u.

1 PETER 3:8

A dawnghnâk ah chun nan ektê hen thinlung munkhat hen um u, a siherh tawnh u; unau tla hâwi hen a dâwt tawnh u, zângfahnâk nei tawnh ule, a nâutir tawnh u.

1 JOHAN 3:14

Kan unau tla kan zângfah ruangah thihnâk ah mi kan suak le, nungnâk ah kan lût rawh ti kan theih. Âuzawng chu hâwi ti lotu chu thihnâk ah a um kumza asi.

1 JOHAN 3:16

Hi lak hin zângfahnâk chu zei me asi ti kan theih, Krist nih kan rangah a nungnâk hawng kan pêk mi lak hin, kannih khawm nih unau tla rangah kan nungnâk kan pêk bâk ding asi.

1 JOHAN 4:21

Hi hi Krist nih thu hawng kan pêk mi chu asi “Mi nih Pathian a zângfah chun a unau khawm a zângfah ding asi,” ti hi.