2 PETER 1:6 - Bawm Common Language Bible Version

⁶ nan theihnâk lakah chun sûmnâk telh ule, sûmnâk lakah chun tuarkhonâk telh ule, nan tuarkhonâk lakah chun Pathian sunhsaknâk telh ule,

2 PETER 1:6 ပူးပေါင်းရင်းမြစ်များ

GENESIS 5:24

A dam kar chu Pathian hen kawmhnâk ah a mang, churawhchun Pathian nih a lâk ving ruangah muh kho asi lo rawh.

SAM 37:7

LALPA thilti chu felfê tak hen ngâk le, Mi le sul-le-lam tluang ruangah na thasia lah le, Misual tla an thilsual tum lakah an dingchangnâk ruang khawm ah.

ISAI 57:1

Mi ṭha tla chu an thi le, âukhawm nih an theih hen an âwva lo. Sikhawmsele an thih liau khawm ah vânduainâk nih an lung a fâktir kho lo.

LUK 21:19

Nan felfênâk nih nan nungnâk a hum lai.

LUK 8:15

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

ROM 8:25

Kan muh lo mi kan lungum asi chun kan ngâk rarâm tâwn asi.

1 KORIN 9:25

Chun, tekzuamnâk tla lakah chun â ṭang rarâm mi chu zeizawng ah anna sûm tâwn asi. Annih lam nih chun lallukhuh râwk kho tawng ding hen anna ṭang, kannih lam nih chun lallukhuh râwk kho lo tawng ding hen.

2 KORIN 6:4

Pathian rianṭuantu tla hâwi hen zei lak zawng ah mi lungnâ tla hen kan um dauh tâwn.

GALATIA 5:23

zumhkainâk, mi tangah dawnhkhonâk, sûmkhonâk tla asi dauh; chu hawi kalh kâng hen Dân thupêk rerêng a um lo.

2 THESALONIKA 1:4

chun, mi nih an nehsawh na nâk zawzawng ah leh hamh nan tuarnâk tla lakah chun nan felfê zia leh nan lung zia ruangah Pathian kawhmi murui lakah chun kannih nih kan putso na tâwn asi, chubang chu Pathian ram ah mi si tlâk a ruat nan si kho awt ti,

2 THESALONIKA 3:5

Chun, Lalpa nih chun nan thinlung tla chu Pathian zângfahnâk ah leh Krist felfênâk ah chun lûtpi seh.

1 TIMOTHE 2:10

sikhawmsele, nunau, Pathian ka sunhsak â ti mi tla chu amah zuam tâwk hen thil ṭha ti hen, a thuam sele ka duh.

1 TIMOTHE 2:2

Lal tla leh thuneitu tla zawzawng rangah khawm Pathian sunhsak leh zahkâi tak a rem leh lungngam hen kan um khonâk ding hen.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

1 TIMOTHE 6:11

Sikhawmsele, nang, Pathian mi chubang thu chu tektâk le, repnâk, Pathian sunhsaknâk, lungnâk, dâwtnâk, dawnhkhonâk leh nunnêmnâk tla chu zûl rawh.

1 TIMOTHE 6:3

Mi âuzawng nih sîntirnâk dang a sîntir hen, kan Lalpa Jisu Krist thudik leh Pathian sunhsak lei sîntirnâk a lung lo chun,

1 TIMOTHE 6:6

Pathian sunhsaknâk hi lungâwinâk â tel chun dingchangnâk tak asi rêng asi.

2 TIMOTHE 3:5

Pathian sunhsak mi banghnâk an nei lai le, sikhawmsele a thiltikhonâk chu an lung lai loh; chubang hâwi chu hawitâk rawh.

TITA 1:1

Pawl, Pathian to-aw, zungzâl nungnâk lungum hen, Pathian thîm mi tla lungnâk leikângah leh Pathian sunhsak leikâng thudik theihnâk leikângah, Jisu Krist mifial ber nih chun,

TITA 1:8

Mi lawmh dân thiam, ṭha leikâng duh mi, thinlung diktak, mirep, mi thenhlimh, sûm-nâwl kho mi asi ding asi.

TITA 2:2

Tarpa tla chu a sûm kho mi, zahkâi, thinlung rep tak, lungnâk leh zângfahnâk leh felfênâk ah dik tak um ding hen fawrh rawh.

HEBRAI 10:36

Pathian duhzia ti ding leh a thutiam chu nanna ting khonâk ding hen felfênâk nan herh asi.

HEBRAI 12:1

Hawng kan theihpitu mi zapi tam tak kan kiangkam ah um mi ruangah hawng kan nawktirtu zawng leh sual kanmah lakah um mi chu kan lawnh lai. Chun, Jisu kan lungnâk ngauhnâk ah rangtlingtirtu lei chu zauh hen, kan mâilei ah tekzuamnâk ding a um mi lakah felfê tak hen kan tek vima lai.

HEBRAI 6:12

Nanna dâithlanh ding ka nan duh na loh, a lung mi tla leh felfê mi tla leh Pathian thutiam anna ting rawh mi tla hâwi hen nan um ding hen ka nan duh dauh na.

HEBRAI 6:15

Chun, felfê tak hen a tuar ver nûnah thutiam chu Abraham nih a tawng taktê.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

2 PETER 3:11

Chu zawng thil tla chu râwk a hawng si rawh chun zei hâwi hen um ding mi minung me nan si lai rawh ne?

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 14:12

Hinah hin mi thenhlimh Pathian thupêk tla leh Jisu lungnâk thu zâwttu tla felfênâk chu a lang asi.

THUPHUANG 2:2

Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;