2 PETER 1:5 - Bawm Common Language Bible Version

⁵ Hi ruang tak hin, taimâk rerêng suah hen, nan zumhnâk lakah chun ṭhatnâk telh ule, nan ṭhatnâk lakah chun theihnâk telh ule:

2 PETER 1:5 ပူးပေါင်းရင်းမြစ်များ

SAM 119:4

LALPA, dân tla na kan pêk hen zumhkâi tak a zûl ding hen na kan simh.

THUFING LASUIBU 4:23

Na thil dawn lakah a thiamthih le, na dawnnâk zia zia hen na nunchan chu a um lai.

ISAI 55:2

Khawp lo ding mi lakah zei rangah tangka nan veih? Sungvâng nget ṭung ding hen zei rangah ni lawh nan lawnh? Ka thu ngâi ule, ka sim mi chu ti u. Buh zawzawngah a ṭha chem mi lakah nanna lâwm lai.

ZEKARIA 6:15

Ram lât takah um mi tla chu LALPA Biakin sak nawlh mi ṭangpitu ah an hawng lai, chu Biakin chu an sak nawlh tikah LALPA Zeizawng tikho nih nan sinah hawng ka fial mi kasi ti nan theih lai. LALPA nan Pathian thupêk nan zûl ver chun hi bang zawzawng hi a hawng tlung ver lai.

LUK 16:26

Hi lo khawm ah, hi thawk hen nan sinah kal duh tla chu an kal kho lonâk ding hen leh âukhawm kha thawk hen kan sinah an hawng kho lonâk ding hen kannih leh nannih karah hin tual kak thûk tak an siam asi,’ a ti.

LUK 24:21

Kannih nih Israel tla tlanhtu siding hen kan lungum rîlmâl hen, zeikhawm si sele, chubang thil tlungnâk chu tusûn hen ni thum asi rawh.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

EPHESI 5:17

Churuangah â hen um lah ule, Lalpa duhzia zei me asi ti theih dauh u.

PHILIPI 1:9

Chun, nan zângfahnâk nih theih rangtlingnâk leh fâifîmnâk zeizawng ah a nei khunnâk ding hen thla ka cham tâwn hi; chun, Pathian rokualnâk leh sawrnâk ding ah Jisu Krist zârah repnâk rah um mi hen hawng khat hen, Krist ni rangah a tak tak leh simsâwi kawplo nan si khonâk ding hen thil ṭha khun tla chu ṭha nan ti kho lai.

PHILIPI 2:12

Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

HEBRAI 11:6

Sikhawmsele, lungnâk lo hen âukhawm nih Pathian lawmhtir kho asi loh. Pathian sinah a hawng kal mi nih chun Pathian chu a um ti leh amah hâwltu tla sinah lâwmman pêk mang asi ti lung ding asi.

HEBRAI 12:15

Âukhawm Pathian zângfahnâk lakah mi nan tlû lonâk ding hen leh thil khâ chu a hawng ṭhang le, mi tam tak a nawktir na mi hâwi hen nan si lonâk ding hen a thiamthih u.

HEBRAI 6:11

Sikhawmsele, a dawngh tiang hen lungumnâk rangtling tawng ding hen nan taimâk chuh dân hâwi khan taimâk suah chiau ule, thungâi ka nan duh na.

JOSUA 7:3

An kal rawh chun Josua sinah an hawng kîr le, an hawng sim, “Ai khua chu âukhawm nih a rûn a herh lo, minung sâng nih mawh sâng thum cho fial ko. Kawrsen zawzawng fial lah na ko, khua lian chiam asi lo,” an ti.

1 PETER 3:7

Nannih pasal le tla khawm, nunau hi mi chaklo dauh mi an si ti theih hen chawnglawmh na u; Pathian khuaruatnâk thilthawtpêk, nungnâk, an tingpi natu an si ruangah. Hi hi ti ule; chun nan thlachamnâk tla kham hen a um lai loh.

2 PETER 1:10

Churuangah, unau tla, a nan kawh na nâk leh an thîm na nâk chu, birhtir ding hen taimâk suah khun u; chu hâwi hen nan ti chun nan tlû dah lai lo.

2 PETER 1:11

Hi hâwi hen, Jisu Krist kan Lalpa leh ruangsuahtu zungzâl ram ah lût khonâk chu pêk nan si lai.

2 PETER 3:14

Churuangah, duhtak le tla, chu Ni nan ngâk ruangah Pathian mitmuh ah thenhlimh leh sual lo hen a sinah lungngam tak hen nan um khonâk ding hen a ṭang u.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.