2 PETER 1:3 - Bawm Common Language Bible Version

³ Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

2 PETER 1:3 ပူးပေါင်းရင်းမြစ်များ

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

THUFING LASUIBU 12:4

Nupi ṭha chu a pasal nih a zumh hen a lawmh le, sikhawmsele pasal ningzak saihtu nupi chu a ruh lakah dam kho lo mi mâ hâwi asi.

THUFING LASUIBU 31:10

Nupi rangah a tlâk mi tawng a har a! Lungmantam hen khawm tahkhiat kho asi lo.

THUFING LASUIBU 31:29

A pasal nih, “Nunau dang tla khawm nupi ṭha tak an si le, chu zawng lakah na ṭha chem,” a ti.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

ROM 9:24

Chu zângfahnâk bêl tla chu Juda tla lak mi cho silo hen, Phundang tla lakah mi khawm kawh an si.

1 KORIN 1:9

Pathian, a Fapa Jisu Krist kan Lalpa kawmhnâk ah a nan kawh natu kha zumh a kâi asi.

2 KORIN 12:9

Chun, anih nih chun ka sinah, “Ka zângfahnâk na rangah â tâwk; ka thiltikhonâk hi chaklonâk ah asi rangtlingtir hen a um mi chu,” a ti rawh. Chun, Krist thiltikhonâk chu ka tlûnah a um khonâk ding hen lâwm tak hen ka chaklonâk tla hi ka putso dauh lai.

EPHESI 4:1

Chun, a nâutirnâk leh thu tang dawnhnâk zawzawng nei hen zângfahnâk ah a dawnh tawnh bû hen,

EPHESI 4:4

A nan kawh na san lungumnâk munkhat hen kawh nan si hâwi ber hen khan taksa pumkhat leh Thlarau pakhat cho a um.

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

KOLOSA 1:16

amah lakah chun zeizawng siam asi le, vân ah um tla, tual ah um tla hen, muh kho tla, muh kho lo tla hen, Thlarau thiltikhonâk tla khawm lâirêltu tla khawm lalnâk tla khawm, thuneihnâk tla khawm, Pathian nih laikulh pumpi hi amah ruangah leh amah rangah a siam mi asi.

1 THESALONIKA 4:7

Pathian nih nâwmtâm ding hen a kan kawh lo le, thenhlimh ding hen hawng kan kawh dauh asi.

2 THESALONIKA 2:14

Chu hâwi rang ding chun anih nih chun kan Thâwngthâng Ṭha hen a nan kawh na kha, kan Lalpa Jisu Krist rokualnâk nei ding hen.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

1 PETER 1:15

An kawh natu Pathian chu a thenhlimh hâwi hen, nan thilti zawzawngah a thenhlimh u.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.

1 PETER 2:21

Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

2 PETER 1:10

Churuangah, unau tla, a nan kawh na nâk leh an thîm na nâk chu, birhtir ding hen taimâk suah khun u; chu hâwi hen nan ti chun nan tlû dah lai lo.

2 PETER 1:2

Pathian leh kan Lalpa Jisu theihnâk lakah chun, nan tlûnah zângfahnâk leh remnâk pungtir hen um seh.

2 PETER 1:5

Hi ruang tak hin, taimâk rerêng suah hen, nan zumhnâk lakah chun ṭhatnâk telh ule, nan ṭhatnâk lakah chun theihnâk telh ule:

2 PETER 1:6

nan theihnâk lakah chun sûmnâk telh ule, sûmnâk lakah chun tuarkhonâk telh ule, nan tuarkhonâk lakah chun Pathian sunhsaknâk telh ule,

2 PETER 1:8

hi thil tla hi nan herh mi chu asi, chubang chu tam tak nan nei chun nan tha an thawktir na lai le, kan Lalpa Jisu Krist theihnâk ah chun an chaktir na lai.

2 PETER 2:20

Lalpa leh Ruangsuahtu, Jisu Krist an theih ruangah, laikulh nâwmtâm tla tektâk nun khawm ah, chu lak ber ah an tâng nawlh hen, neh hen an um nawlh chun, an umdân madung chu a li mi ngâk hen â râwk dauh lai.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

RUTH 3:11

Tuah lawksawng lah Ruth, na ka deih mi zawng ka nan ti piak lai. Hi khua lakah mikip nih nunau ṭha na si zia an theih.