2 PETER 1:21 - Bawm Common Language Bible Version

²¹ Simkannâk thu rerêng hi, minung duh thu hen suak asi tâwn lo le, Thlarau Thenhlimh nih mang hen mi nih thu an sim tâwn asi, chu chu Pathian sin thawk hen mi thu asi.

2 PETER 1:21 ပူးပေါင်းရင်းမြစ်များ

2 SAMUEL 23:2

LALPA thlarau nih keimah mang hen thu a sim le, a thu chu ka mûr ah hin a um.

1 Lal 13:1

Juda ram thawk hen khuavâng pakhat LALPA thupêk hen Bethel ah Jeroboam nih bâwlnâk ap ding hen mâichâm kiangah a dîr liau chirah a va tleng.

1 Lal 17:18

Numeinu nih Elija sinah, “Pathian mi, zei rangah hi hâwi na ka ti? Hinah na hawng mi hi ka sualnâk theihtir ding leh ka fapa thihtir ding hen na hawng mi asi mu?” a ti.

1 Lal 17:24

Anih nih a sâng le, “Tuah chun Pathian minung tak na si zia leh LALPA nih nangmah mang hen thu a sim asi ti ka theih rawh,” a ti.

2 Lal 4:22

Churawhchun, a pasal a kawh le, a sinah, “To-aw kha sanatung hawng put ding hen hawng fial. Khuavâng Elisa sinah kal ding ka herh, a rang kho zia zia hen ka hawng kîr nawlh lai,” a ti.

2 Lal 4:7

Elisa khuavâng sinah a va kal nawlh le, anih nih, “Oliv sariak kha zuar ule, nan lei zawzawng rulh ule, a lei mi chu nang leh na fapa tla rangah â tâwk rerêng lai,” a ti.

2 Lal 4:9

Chu nunau nih chun a pasal sinah, “Hi minung hinah a hawng kumza mi hi Pathian mi thenhlimh asi ti ka theih.

2 Lal 6:10

Churawhchun, Israel Lalchem nih chunah um mi tla rangah thlingthlâk na ding hen a simh, zeimaw zâwn ah an thlingthlâk na tâwn.

2 Lal 6:15

A thâi zîngtê ah Elisa to-aw chu a thawk le, lênglei ah a suak le, Siria kawrsen tla nih rang leh rang kari tla hen khua an kulh dak mi a muh. Elisa sinah a va kal le, “Pu, kan vânduai rawh, zeitin kan ti lai rawh,” a ti.

1 CHRONICLES 23:14

Sikhawmsele, Pathian mi Mosi, fapa dang tla chu Levi murui sinah telh an si.)

2 CHRONICLES 8:14

A pa David nih a siam mi zûl hen nisiar bâwlpu tla rianṭuan leh bâwlpu tla ṭangpitu Levi tla chu lasak leikâng leh rianṭuan leikângah a titir vima na. Pathian mi David thupêk hen kulh kawtkâ vêngtu leh Biakin ngâktu nisiar hen a ruat na.

JEREMIA 23:26

Zei tiang riamruam me hi khuavâng tla nih hin ka mi le tla chu an phuak sawm mi âwkrâwl thu hen mahlo leikângah an kalpi na awt?

EZEKIEL 1:3

Babulon ram ah mi Kebar tiva kapah chun LALPA nih ka sinah thu a sim mi ka theih le, a thiltikhonâk chu ka theih rawh.

MIKAH 1:1

Juda lal Jotham, Ahaz, Hezekiah san liauah Moreseth khua ah mi Mikah sinah LALPA nih hi thuchah a pêk. LALPA nih Mikah sinah Samaria leh Jerusalem ah thil um ding mi thu chu a langh.

MIKAH 3:7

Mâilei thu um ding mi simhkanhtu chu a diklonâk nih ningzak â saih lai. Pathian nih a sâng na lo ruangah nâutir hen an um hep lai.

NUMBER 16:28

Mosi nih zapi sinah, “Hi bang thil tla zawzawng hi LALPA nih ti ding hen hawng ka fial mi asi, keimah thu hen ka ti mi asi lo ti nan theih lai.

MARK 12:36

David tak nih Thlarau Thenhlimh hen, ‘LALPA nih chun ka Lalpa sinah, na mêlma tla na kê sirhsanh ah ka siam lânlo chu ka vawrhlei ah to rawh,’ a ti.

LUK 1:70

A lânah thawk hen khuavâng thenhlimh tla kâ ah a sim hâwi khan.

THILTI 1:16

“Unau le tla, Thlarau Thenhlimh nih, David kâ ah, Jisu tleihtu tla ruitu Juda thu a simhkan mi kha, kha Pathian lasui thu kha a hawng tlung ding rêng asi.

THILTI 28:25

Chun, anna remlo rawh le, Pawl nih thu kâ khat a sim thluh ah chun an suak rawh. A thusim chu hi hi asi: “Thlaraau Thenhlimh nih khuavâng Isai kâ ah nan thlâktu tla sinah a sim mi kha a dik thlo asi.

THILTI 3:18

Sikhawmsele, Pathian nih khuavâng zawzawng kâ ah a Mesia nih hamhnâk a tuar ding mi thu a theihtirkan mi kha, kha hâwi khan a tlungtir rawh asi.

DEUTERONOMY 33:1

Hi bang tla hi Pathian mi Mosi nih a thih lânah Israel mi tla tlûnah malsâwmnâk a sim mi chu asi.

HEBRAI 10:15

Chun, Thlarau Thenhlimh khawm nih hawng kan theihtir fâwn.

HEBRAI 3:7

Chun, Thlarau Thenhlimh nih, “Tusûn hin a aw-hâu nan theih chun,

HEBRAI 9:8

Thlarau Thenhlimh nih hi hi a theihtir le, sawnhnâk puanin tawngtir mi a um kar vial chu Mun Thenhlimh Chem ah lûtnâk lampi chu a lang lo rih, ti hi.

JOSUA 14:6

Ni khat chu Juda lakah mi âu tla mawh Josua sinah Gilgal ah an hawng. An lakah minung pakhat Keniz mi Jephuneh fapa Kaleb nih a sinah, “Kades Barnea ah nang leh keimah thu LALPA nih Mosi, Pathian mi rangah a simh mi na theih ko kha.

1 PETER 1:11

Zeitik ah a hun asi awt, chun zei hâwi hen a hawng um awt ti muh ding anna tum; Krist Thlarau anmah lakah um mi nih chun Krist tuarnâk ding tla leh rokualnâk a hawng um ding mi tla chu tuliau hun hi a zauhtir.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.