2 PETER 1:19 - Bawm Common Language Bible Version

¹⁹ Chun, khuavâng thusim, bir tak kan nei le, khua a hawng dei le, deirêl ârfi chu nan thinlung ah a hawng chêu lânlo chu khâwnvâr chêu, mi nih mûi ah an sunhsak hâwi hen nan sunhsak chun a ṭha asi.

2 PETER 1:19 ပူးပေါင်းရင်းမြစ်များ

SAM 119:105

Na thu chu hawng ka ruitu ding hen khâwnvâr asi. Ka lampi rangah chêu asi.

THUFING LASUIBU 6:23

A nan sîntirnâk chu chêu asi le; nun a nan simh mi chu umdân ding a nan simh kho lai.

ISAI 14:12

“Nang Babulon lalchem, deirêl ârfi chêu tak, vân ah mi chu na tlâ rawh! A lân chun phun tla na neh le, tu lam chun tual ah lawnh hen na um rawh.

ISAI 41:26

Nan dik ngâk kan ti kho na ding hen a hawng tlung ding mi hi nan lakah âunih sim kho? Âukhawm nih zei thu khawm nan sim lo, nan sim mi theihtu khawm âukhawm an um lo!

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

ISAI 9:2

Mûi ah kaltu tla nih chun chêu rokual tak an muh. Dâidul ram ah an um le, sikhawmsele tu lam chun chêu nih a cherh na.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

JOHAN 5:35

Chu Johan chu khâwnvâr alh tak leh chêu tak chu asi; a chêu ah chun a lâwm rih ding nan duh kha.

JOHAN 5:39

Pathian lasui thu nan rêl tâwn, a sung ah zungzâl nungnâk um hen nan ruat ruangah; chubang chu ka thâwngthâng theihtirtu asi.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

THILTI 15:29

Ruk sawnhnâk sa ei tla, thisen ei tla, pungnâk tla bângtâk ule kan ti; hi bang hi nan bâng chun nan rangah a ṭha lai. Dam hen um u,” ti hen.

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.

HEBRAI 2:2

Vânmifial tla mang hen thu sim kha a dik asi ti a zauhtir asi, chun âuzawng chu chu zûllotu mawh zâwtlotu chu rêpnâk a tawng ding hâwi hen a tawng vima tâwn.

JEM 2:8

Pathian lasui thu nih, “Nangmah na dâwt hâwi hen na zâwlbâwm tla na dâwt ding asi,” ti mi Pathian Ram dân nan zawt chun nan ti dik asi.

1 PETER 1:10

Khuavâng tla nih fîmkhur tak hen an hâwl mi leh an deih mi chu ruangsuahnâk thu, Pathian nih thilpêk a nan pêk awt mi chu asi.

1 JOHAN 5:10

Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.

3 JOHAN 1:6

Chubang tla nih kawhmi tla mâika ah na zângfahnâk thu an sim rawh. Pathian lawmh tlâk hen khual an tlâwngnâk a tluang vima khonâk ding hen ṭangpi na,

THUPHUANG 2:28

Chun, deirêl ârfi chu anmah tla ka pêk na lai.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.