2 PETER 1:17 - Bawm Common Language Bible Version

¹⁷ Anih nih chun Pa Pathian sin thawk hen rokualnâk leh chawnglawmhnâk pêk asi liau khan kan um ko asi, Chungnungchem aw-hâu chu a tlûnah hi hâwi hen a hawng suak, “Hi hi ka Fapa duhtak, ka lawmh ngâi mi chu asi,” ti hen.

2 PETER 1:17 ပူးပေါင်းရင်းမြစ်များ

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

MATHAI 12:18

“Zauhnik, ka to-aw ka thîm mi, ka duhtak, ka thinlung nih thungâi a lawmh mi hi. A tlûnah ka Thlarau ka siah lai le, chun phundang tla sinah lâirêlnâk thu a sim lai.

MATHAI 17:3

Chun, Mosi leh Elija chu amah hen a sâwn hen an sinah anna langh.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

MARK 1:11

Chun, “Nang, ka Fapa duhtak na si le, na tlûnah thungâi ka lâwm asi,” ti hen, vân thawk hen aw-hâu a hawng suak.

MARK 9:7

Chun, anmah tla liah hen sûm a hawng zîng le, chun sûm ah chun aw a hawng suak le, “Hi hi ka Fapa duhtak asi, amah thu ngâi u,” a ti.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

LUK 3:22

chun Thlarau Thenhlimh chu taksa put hen vaṭhu hâwi hen a hawng ṭum le, a tlûnah a fû. Vân thawk hen aw a hawng suak le, “Nang ka Fapa duhtak na si, na tlûnah thungâi ka lâwm,” a ti.

JOHAN 10:15

chun, dawrâ tla rangah chun ka nungnâk ka pêk.

JOHAN 10:36

Kei rangah chun, Pa nih a hawng ka thîm le, chun laikulh ah a hawng ka fial. Churuangah zeitin zia hen, ‘Pathian Fapa kasi,’ ka ti ruangah, Pathian na simsiat, nan ti kho zia?

JOHAN 14:11

Kei Pa lakah ka um leh Pa keimah lakah a um ti hawng ka lung u; asi lo leh, thilti ruang tal hen hawng ka lung u.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

JOHAN 3:35

Pa nih Fapa a dâwt le, a thiltikhonâk ah thil zeizawng a pêk rawh.

JOHAN 5:20

Pa nih Fapa a dâwt le, a thilti zawzawng a sinah a zauhtir tâwn; hi ngâk a thilti rokual dauh hi a sinah a zauhtir teh lai, chê nan ti ding ah.

JOHAN 5:26

Pa nih amah lakah nungnâk a nei hâwi hen, Fapa khawm amah lakah nungnâk a neitir;

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 6:39

Hi hi hawng ka fialtu duhzia chu asi, anih nih a ka pêk mi zawzawng zeikhawm thlâu lo sele, ni dawngh ni ah chun thawh dauh na sele.

2 KORIN 1:3

Kan Lalpa Jisu Krist Pathian leh Pa, khuaruattu Pa leh lungngamnâk zawzawng Pathian chu sawr hen um seh.

2 KORIN 11:31

Jisu Pathian leh Pa, zungzâl a thawsuak hen um mi nih chun âwkrâwl ka sim lo zia a theih.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

2 JOHAN 1:3

Pa Pathian leh Jisu Krist, Pa Fapa sin thawk hen, zângfahnâk tla, khuaruatnâk tla, remnâk tla, thudik leh dâwtnâk tla nan sinah um seh.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun: