2 KORIN 9:8 - Bawm Common Language Bible Version

⁸ Chun, Pathian nih dâwtnâk kip nan tlûnah a vurh kho asi; chun nannih zeizawng ah a tâwk ri nei kumza hen rianṭuan ṭha kip rangah nan nei kho lai.

2 KORIN 9:8 ပူးပေါင်းရင်းမြစ်များ

EPHESI 3:20

Chun, kanmah lakah ṭuan tâwntu thiltikhonâk hâwi vima hen kan deih le, kan dawnruat zawzawng ngâk a fâk dauh tikhotu sinah,

THUFING LASUIBU 10:22

LALPA malsâwmnâk nih asi a nan neitir mi chu. Tha fâk tak rianṭuan nih an neitir khun lai loh.

MALAKI 3:10

Tî-râwl tam tak um kho ding hen Biakin ah parâ lû pakhat hawng put u. Hawng ka nik ule, vân langawtkawt ka awng lai le, thil ṭha chikip tam tak ka hawng thlêt mi nan muh lai.

HAGAI LASUIBU 2:8

Laikulh a mi ngûn leh tangka zawzawng ka tâ asi.

THUFING LASUIBU 28:27

Mipâm rangah pêk na le, samphâng hen na um lai lo. Mipâm zauh ding khawm na duh lo chun mi tam tak nih siat an barh lai.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

THUFING LASUIBU 3:9

Na ram ah mi thil ṭha chem a hawng suak mi zawzawng chu pêk hen LALPA zah rawh.

TITA 3:14

Kan mi tla khawm nih chun rah lo hen an um lonâk ding hen samphângnâk herh rang ding ah chun thil ṭha ti vima a sîn na seh.

2 KORIN 8:7

Chun, zeizawng lungnâk tla, thusim thiamnâk tla, theihnâk tla, ṭhanemsemsê ngâinâk zawzawng tla, hawng kan zângfahnâk tla nan nei hâwi hen chu zângfahnâk khawm chu nan nei tam khonâk ding hen taimâk suah u.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

2 KORIN 9:11

a vawrhtu sinah chî pêktu leh ei ding rangah buh pêktu nih chun nan vawrh ding mi chî chu an pêk na hen a nan pungtir piak na lai le, nanna repnâk rah tla chu a nan pungtir piak na lai.

2 KORIN 8:2

Kha hâwi hen hamh hen niknâk fâk tak lakah thungâi anna lâwm, an pâm thlo khawmsele hawknâk fâk tak ah â chang zia kha.

THUFING LASUIBU 11:24

Zeimaw mi tla nih siang tak hen an tangka an mang le, an nei dadauh. A zeimaw mi nih thiamthih hen an mang le, sikhawmsele an pâm dadauh.

2 CHRONICLES 25:9

Amaziah nih khuavâng sinah, “A man ka pêk ving na rawh mi chu zeitin asi lai rawh ne?” a ti. Khuavâng nih a sâng le, “LALPA nih chu ngâk a tam a nan rulh kho,” a ti.

TITA 3:8

“Pathian lung rawh mi nih chun thil ṭha ti vima ding hen tum seh,” ti thu hi zumh a kâi asi, chu thu chu râlṭha tak hen na sim thlir ding hen ka nan duh asi. Chubang thu chu minung tla rangah a ṭha hen mang a tlâk asi.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

1 PETER 4:10

Mi kip nih thilpêk nan tawng mi chu Pathian zângfahnâk zauhkhenhtu tla hâwi hen, midang tla ṭhatnâk ding hen ti u.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

2 KORIN 8:19

chu ko khawm chu asi lo le, Lalpa rokualnâk ding leh kanna timhtuah zia zauhtirnâk ding hen a rian kan ṭuan mi, hi zângfahnâk thu ah hin kan sinah khua ṭawl bâk ding hen kawhmi murui tla ruat asi rerêng bâk.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

THILTI 9:36

Chun, Joppa khua ah a min Tabitha lungtu pakhat a um. (Greek hen a min chu Dorka asi, chu chu ‘Sakhi’ tinâk asi.) Chu nunau chu thil ṭha ti hen a hun zawzawng a mang tâwn le, chun, mipâm tla a ṭangpi tâwn.

2 THESALONIKA 2:17

thil ṭha ti leh thusim ṭha zawzawng ah fawrh hen birhtir seh.

2 TIMOTHE 3:17

Pathian mi chu rian ṭha kip ṭuan ding hen kim tak hen thuamh hen a rangtling khonâk ding hen.

PHILIPI 4:11

Ka samphâng mi thu sim lam chu kasi lo le, kei lam chu zei hâwi tal hen um khawmsele lungâwi vima ka awt rawh.

2 TIMOTHE 2:21

Churuangah mi nih chubang thu lakah â thliar chun, khêng leh bêl thenhlimh, Lalpa mang tlâk, rianṭuan ṭha kip ah tîm chia hen, sung-û tir ding mi chu asi lai.