2 KORIN 8:7 - Bawm Common Language Bible Version

⁷ Chun, zeizawng lungnâk tla, thusim thiamnâk tla, theihnâk tla, ṭhanemsemsê ngâinâk zawzawng tla, hawng kan zângfahnâk tla nan nei hâwi hen chu zângfahnâk khawm chu nan nei tam khonâk ding hen taimâk suah u.

2 KORIN 8:7 ပူးပေါင်းရင်းမြစ်များ

MATHAI 25:22

“Chun, talent nih tingtu khawm chu a hawng kal le, Ka pu, nangnih talent nih na hawng ka kiltir mi kha; zauhnik, talent nih dang ka suah,’ a ti.

ROM 15:14

Chun ka unau le tla, nanmah tla thu chu nanmah ngelchel ṭhatnâk hen nan khat hen, finghnâk chi kip nan nei hen, nun nanna simh tawnh kho ti keimah ngelchel nih dik tak hen ka theih.

1 KORIN 1:5

Zeizawng ah thusim kip ah leh theihnâk kip ah amah lakah chun neihtir hen nan um mi thu ah khan;

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

1 KORIN 12:8

Mi pakhat sinah Thlarau ah chun finghnâk thu pêk asi; midang sinah chu Thlarau ber nih chun theihnâk thu pêk asi.

1 KORIN 13:2

Chun, thusim khonâk nei hen, thu thup zawzawng leh theih khonâk zawzawng theih ver khawmsele, tlâng ṭhinh khawp rê hen lungnâk nei khawmsele dâwtnâk ka nei ṭung lo chun zeikhawm kasi lai loh.

1 KORIN 13:8

Dâwtnâk hi zeitik khawm ah a reh lai loh; sikhawmsele, thusimnâk tla hi a bâng teh lai; hawlh theih lo tla hi um khawmsele a bâng teh lai; theihnâk hi um khawmsele a bâng teh lai.

1 KORIN 14:12

Chun, nannih khawm nih thlarau lei thilpêk lakah ṭhanem nan ngâi ruangah hin kawhmi le tla siamṭhatnâk ding nan nei khonâk ding hen hâwl u.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

2 KORIN 7:7

A hawng kalnâk cho nih chun asi lo le, nan lunglêng zia tla, nan ṭap zia tla, ka tlûnah ṭhanemsemsê nan ngâi zia tla hawng kan simh hen nanmah an lungngamh na nâk khawm nih chun hawng kan lungngamh rawh asi; chun ka lâwm khun asi.

2 KORIN 8:6

Chun, a lânah a hawng dawmh rawh ruang khan hi dâwtnâk khawm hi nanmah lakah ti thluh sawm ding hen Tita chu kan ngiar rê.

2 KORIN 9:14

Anmah tla tak khawm nih nan tlûnah Pathian zângfahnâk fâk tak ruangah nan rangah thla an cham piak na lai.

2 KORIN 9:8

Chun, Pathian nih dâwtnâk kip nan tlûnah a vurh kho asi; chun nannih zeizawng ah a tâwk ri nei kumza hen rianṭuan ṭha kip rangah nan nei kho lai.

EPHESI 4:29

Thu ṭhalo rerêng nan kâ ah suak lah seh, a herh zia hâwi vima a siamṭha ding hen thu ṭha vial suak dauh seh, a ngâitu tla rangah zângfahnâk asi khonâk ding hen.

PHILIPI 1:9

Chun, nan zângfahnâk nih theih rangtlingnâk leh fâifîmnâk zeizawng ah a nei khunnâk ding hen thla ka cham tâwn hi; chun, Pathian rokualnâk leh sawrnâk ding ah Jisu Krist zârah repnâk rah um mi hen hawng khat hen, Krist ni rangah a tak tak leh simsâwi kawplo nan si khonâk ding hen thil ṭha khun tla chu ṭha nan ti kho lai.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

2 TIMOTHE 2:1

Chuvachun, nang, ka fa, Jisu Krist zângfahnâk ah hin thiltikhonâk nei hen um rawh.

HEBRAI 12:28

Chun, ram ninh kho lo mi kanna ting ruangah kanna lâwm lai. Amah lawmhkâng a um hen, ṭih leh zah tâk bû hen, lâwm tak hen Pathian kan sawnh lai;

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

THUPHUANG 3:17

‘Ka nei le, sum leh pâi ka chawng le, zeikhawm ka samphâng lo,’ na ti le, sikhawmsele, mi ngâkṭah tak leh zângfah kâi tak na si zia tla, na pâm zia leh takkaro leh mitchâw na si zia na theih lo asi.