2 KORIN 8:3 - Bawm Common Language Bible Version

^3-4 Zângfahnâk, mi thenhlimh Judai ram ah um mi tla rianṭuan ah tel mi chu thungâi thlâk a hawng kan deih chiam hen, an ti kho tâwk hen, asi, an ti kho tâwk nûnah a lei khawm anmah thu thu hen an pêk ti ka theihpi na asi.

2 KORIN 8:3 ပူးပေါင်းရင်းမြစ်များ

1 CHRONICLES 29:9

Mi leh nih duhnâk nei tak bû hen LALPA sinah an pêk le, pêktu tam tak nih an pêk ruangah thungâi anna lâwm. Lalchem David khawm thungâi â lâwm bâk.

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

EXODUS 35:29

Israel mi tla, LALPA nih Mosi sinah thu a pêk mi rianṭuannâk ding ah an thilpêk tla LALPA sinah an hawng put.

EXODUS 35:5

LALPA sinah thil apnâk nei ule, mikip nih mah thinlung thawk dân hâwi vima hen ngûn, tangkasa, dâr;

MARK 14:8

A ti kho tâwk a ti asi; ka taksa hi phûm ding hen a chulh kan asi hi.

THILTI 11:29

Chun, ṭhiruai tla nih chun an ti kho ri chiau hen Judai ram unau tla sinah chun ṭangpinâk ding kuat an tum.

ROM 10:2

Pathian leiah ṭhanemsemse an ngâi ti ka theihpi asi, theih rangtling hâwi lam chun an ruat lo.

1 KORIN 16:2

Ni sarih ni masa chem ah chun mikip nih malsâwmnâk nan tawng hâwi vima hen khawng chiau ule, ka hawng kal tikah thawhlâwm khawlh rerêng a um lonâk ding hen.

1 KORIN 9:17

Chu chu mah thu hen ka ti chun lâwmman ka nei asi; sikhawmsele mah thu thu hen asi lo chun Thâwngthâng Ṭha zauhkhenhnâk rian hawng ka kiltir mi ko asi lai.

GALATIA 4:15

Vânṭha nanna tinâk kha zei hâwi a hawng si rawh? Tikho si sele nan mit chawih zek hen nan ka pêk lai rawh ti ka nan theih piak na.

PHILIPI 2:13

amah lawmhkâng rangah ti tum ding leh ti ding hen nanmah lakah ṭuantu chu Pathian asi ruangah.

KOLOSA 4:13

Nanmah tla rangah, Laodikei khua tla rangah leh Hirapoli khua ah um mi tla rangah thungâi semsê a ngâi ti ka theihpi asi.

1 THESALONIKA 2:8

Chu hâwi ber hen, kan duhzia tak nan hawng si rawh ruangah khan kan duh ṭualmâl na, Pathian Thâwngthâng Ṭha cho silo hen, kanmah nungnâk khawm an pêk na rê kan huam.

PHILEMON 1:14

Sikhawmsele, hawng ka zângfah êu ka nan ti mi hâwi silo hen, nangmah thu thu hâwi asi kho dauhnâk ding hen, na thu lo hen zeikhawm ti ka duh lo.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.