2 KORIN 7:9 - Bawm Common Language Bible Version

⁹ Tu chun kâ lâwm asi, ngaihsiattir hen nan um ruangah asi lo le, rimnâk ding hen nan ngaihsia ruangah asi dauh. Kanmah ruangah zeikhawm nan dawk lonâk ding hen Pathian duhzia hâwi hen ngaihsiattir hen nan um asi.

2 KORIN 7:9 ပူးပေါင်းရင်းမြစ်များ

SAM 38:18

Ka sual ka phuang le, ka lawk an ka sawngtir.

THUSIMTU 7:3

Nih ngâk hen ngaihsiatnâk a ṭha dauh; na mêl chu a zûr kho, sikhawmsele theihthiamnâk a nan pêk lai.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

MATHAI 3:8

Nan rim rawh ti zauhtir ding hen thilti hen langhtir u.

LUK 15:10

Ka nan simh na chu hâwi ber hen Pathian vânmifial tla lakah chun misual pakhat a rim mi tlûnah anna lâwm tâwn asi.”

LUK 15:32

Lâwptlo tak hen kan um ding asi, hi na nau hi a thi le, a hawng nung nawlh rawh; a tlâu le, kan tawng nawlh rawh asi hi,’ ” a ti.

LUK 15:7

Ka nan simh na, chu hâwi ber hen mirep sâwmkua leh pakua rim ding nei lo tla ngâk hen chun misual pakhat a rim mi tlûnah hin vân ah lâwmnâk a um dauh lai.”

THILTI 20:21

Juda tla leh Greek tla sinah khawm Pathian leiah thinlung lêttirnâk thu leh kan Lalpa Jisu Krist leiah lungnâk thu ka theihtir tâwn kha.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 2:16

Murui khat tla rangah chun thihnâk lakah thihnâk ding rim kan si le, murui khat tla rangah chun nungnâk lakah nungnâk rim kan si. Chubang tla rangah chun âu me tling kho lai?

2 KORIN 7:8

Ka lasuikuat nih khan an ngaihsiattir na khawmsele ka sîr lo rawh; a tîr lam chun ka sîr asi, kha lasuikuat nih khan a nan ngaihsiattir na ti ka theih ruangah; sikhawmsele, sâwtlotê cho asi kha.