2 KORIN 7:8 - Bawm Common Language Bible Version

⁸ Ka lasuikuat nih khan an ngaihsiattir na khawmsele ka sîr lo rawh; a tîr lam chun ka sîr asi, kha lasuikuat nih khan a nan ngaihsiattir na ti ka theih ruangah; sikhawmsele, sâwtlotê cho asi kha.

2 KORIN 7:8 ပူးပေါင်းရင်းမြစ်များ

LUNGFÂKNÂK 3:32

Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

JOHAN 16:6

Hi bang thu hi ka sim ruangah nan thinlung chu ngaihsiat hen a khat.

JOHAN 21:17

Chun, a veithumnâk ah chun a sinah, “Simon, Johan fapa, nangnih kei na ka dâwt ma?” a ti. A veithumnâk ah, “Nangnih na ka dâwt ma?” a sinah a ti ruangah chun Peter a lawksawng le, a sinah, “Lalpa, zeizawng na theih le, ka nan dâwt ti na theih,” a ti. Jisu nih a sinah, “Ka dawrâ tla zauhkhenh rawh.

2 KORIN 7:11

Chun, ngâinik u, Pathian duhzia hâwi a ngaihsiattir hen nan umnâk takah chun thiamthihnâk tla, mah a sim thiamnâk tla, thinthawknâk tla, ṭihnâk tla, lunglêngnâk tla, ṭhanemsemse ngâinâk tla, lehrûl samnâk tla nanmah lakah a siam zia a fâk a! Zeizawng ah chubang thu ah chun nan thiang ti nanna langh rawh.

2 KORIN 7:12

Chun nan sinah rîn khawmsele a sualtu ruangah khan ka rîn lo le, a sual tuartu ruangah ka rîn lêm lo, kan tlûnah ṭhanemsemsê nan ngâi zia Pathian mitmuh ah nan sinah theihtir hen a um khonâk ding hen ka rîn mi asi dauh.

2 KORIN 7:6

Sikhawmsele, â nâutir mi tla lungngamhtu Pathian nih chun Tita hawng fial hen hawng kan thlangamh rawh.

2 KORIN 7:7

A hawng kalnâk cho nih chun asi lo le, nan lunglêng zia tla, nan ṭap zia tla, ka tlûnah ṭhanemsemsê nan ngâi zia tla hawng kan simh hen nanmah an lungngamh na nâk khawm nih chun hawng kan lungngamh rawh asi; chun ka lâwm khun asi.

2 KORIN 7:9

Tu chun kâ lâwm asi, ngaihsiattir hen nan um ruangah asi lo le, rimnâk ding hen nan ngaihsia ruangah asi dauh. Kanmah ruangah zeikhawm nan dawk lonâk ding hen Pathian duhzia hâwi hen ngaihsiattir hen nan um asi.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.