2 KORIN 7:7 - Bawm Common Language Bible Version

⁷ A hawng kalnâk cho nih chun asi lo le, nan lunglêng zia tla, nan ṭap zia tla, ka tlûnah ṭhanemsemsê nan ngâi zia tla hawng kan simh hen nanmah an lungngamh na nâk khawm nih chun hawng kan lungngamh rawh asi; chun ka lâwm khun asi.

2 KORIN 7:7 ပူးပေါင်းရင်းမြစ်များ

SAM 141:5

Mi ṭha nih hawng ka rêp sele, vêlnei tak hen nun hawng ka simh seh, misual tla chawnglawmhnâk lam chu ka pawm dah lai loh, an thilsual ti duh lo hen thla ka cham kumza ruangah.

SAM 30:5

A thinrunhnâk chu sâwtlotê kar asi le, a ṭhatnâk chu damkar zawng rang asi. Zân ah chun mitthli luang khawmsele, zînglei ah chun lâwmnâk a hawng tlung.

SAM 38:18

Ka sual ka phuang le, ka lawk an ka sawngtir.

SAM 51:1

Pathian, na dâwtnâk dawnglo ruangah ka lakah khua ruat. Na khuaruatnâk rokual ruangah ka sualnâk chu nâwt dep!

MATHAI 26:75

Chun, Peter nih chun, Jisu nih, “Âr a khuang lânah nangnih veithum na ka pheh lai,” a ti mi thu kha a hawng theih nawlh rawh. Chun, a suak le, ngaihsia tak hen a ṭap rawh.

MATHAI 5:4

“Ngaihsia tla chu an thaw a suak, Pathian thlangamh hen an um awt ruangah!

LUK 22:44

Chun, thungâi a thla a kâm le, semsê ngâi khun hen thla a cham; a thlan chu thî hâwi hen tual ah a zut.

THILTI 11:23

Chun, anih chu a va tleng le, Pathian zângfahnâk chu a muh le, thungâi â lâwm, ṭhanemngâi tak hen Lalpa lakah zumhkâi ding hen an ektê hen a fawrh na rawh.

ROM 1:12

Chu chu nan nungnâk leh ka nungnâk hen kanna ṭangpi tawnh khonâk ding hen ka tinâk asi.

1 KORIN 5:2

Chun, chu thil titu chu nan lakah mi suah ding mi lawksawngpi ngâk hen zumhnâk ah lam nan mang.

2 KORIN 1:14

Chun, Lalpa Ni ah nannih kan putso na mi nan si awt hâwi ber hen kannih khawm nan kan putso mi kan si awt ti tuah a chimpâl cho hen nan theih mi kha nan theihfiang ver lai rawh ti ka ruat asi.

2 KORIN 1:4

Pathian nih lung hawng kan ngamhnâk ngelchel nih hamhnâk zei hâwi tal ah um mi tla khawm chu kan lungngamh kho ding hen anih nih chun kanna hamhnâk zawzawngah lung hawng kan ngamh tâwn.

2 KORIN 2:9

Hi ruang khawm hin ka rîn asi, zeizawng lakah thu nan ngâi leh ngâilo ka nan nik na kho ding hen.

2 KORIN 5:2

Vân ah kan umnâk ding mi aih thu ah duh ruangmâng hen hi in ah hin kan rûm huahmah tâwn.

2 KORIN 7:6

Sikhawmsele, â nâutir mi tla lungngamhtu Pathian nih chun Tita hawng fial hen hawng kan thlangamh rawh.

2 KORIN 7:8

Ka lasuikuat nih khan an ngaihsiattir na khawmsele ka sîr lo rawh; a tîr lam chun ka sîr asi, kha lasuikuat nih khan a nan ngaihsiattir na ti ka theih ruangah; sikhawmsele, sâwtlotê cho asi kha.

2 KORIN 8:16

Chun, nan rangah kan ṭhanemsemsê ngaihnâk hâwi hen Tita thinlung ah pêk tâwntu Pathian sinah chun lâwmthu um seh.

PHILIPI 1:20

tu khawm ah nungnâk ruangah mawh thihnâk ruangah mawh ka taksa ah Jisu chawnglawmh hen a um dauh awt ti ka lungumnâk leh ka duhnâk hâwi vima hen.

KOLOSA 2:5

Taksa hen nan sinah um lo khawmsele, lâwm tak hen nanna rep zia leh Krist nan lung birh zia zauh hen, thlarau ah chun nan sinah ka um asi.

1 THESALONIKA 3:6

Sikhawmsele, Timothe chu nan sin thawk hen tuah kan sinah a hawng tlung hen, an muh na ding kan duh hâwi hen thungâi hawng kan muh ding duh hen zângfah tak hen hawng kan theih tâwn tih thu leh, nan lungnâk leh zângfahnâk thâwngthâng lawmhkâi hawng kan put.

1 THESALONIKA 3:8

Tu chun kan nung rawh, Lalpa lakah bir tak hen nan dîr chun.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.

JEM 5:17

Elija chu kanmah hâwi minung asi, anih nih chun ruah sûr lonâk ding hen semsêngâi tak hen thla a cham le, kum thum leh thla ruk kar ruah a sûr lo.

2 JOHAN 1:4

Pa thawk hen thupêk kanna ting hâwi hen, na fa tla thudik ah an um mi ka muh ruangah thungâi ka lâwm asi.

JUD 1:3

Duhtak le tla, kanna ting chiau mi ruangsuahnâk thu nan sinah rîn ka tum liauah, mi thenhlimh tla sinah lungnâk veikhat pêk rawh mi thu ah lungnâk ruangah râltuk ding hen an fawrh na ding hen nan sinah lasuikuat rîn ding hen a herh ti ka theih.