2 KORIN 7:4 - Bawm Common Language Bible Version

⁴ Nannih leikângah chun ka sim ngam tuktarâi, ka nan putso na zia hi a fâk asi; lungngamnâk hen ka khat le, kanna hamhnâk zawzawngah chun lâwmnâk hen ka khat.

2 KORIN 7:4 ပူးပေါင်းရင်းမြစ်များ

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 5:3

Chun, chu ko chu silo hen kanna hamhnâk khawm ah lâwm hen kan um, hamhnâk nih chun felfênâk a siam le,

1 KORIN 1:4

Krist Jisu zârah a zângfahnâk nan sinah pêk mi ruang khan nanmah leikâng thu ah Pathian sinah lâwmthu ka sim kumza tâwn.

2 KORIN 1:14

Chun, Lalpa Ni ah nannih kan putso na mi nan si awt hâwi ber hen kannih khawm nan kan putso mi kan si awt ti tuah a chimpâl cho hen nan theih mi kha nan theihfiang ver lai rawh ti ka ruat asi.

2 KORIN 1:4

Pathian nih lung hawng kan ngamhnâk ngelchel nih hamhnâk zei hâwi tal ah um mi tla khawm chu kan lungngamh kho ding hen anih nih chun kanna hamhnâk zawzawngah lung hawng kan ngamh tâwn.

2 KORIN 10:8

Kan thuneihnâk nanmah siatnâk ding silo hen nanmah siamṭhatnâk ding dauh hen Lalpa nih hawng kan pêk mi hi a putso khun khawmsele ka mualpho awtlo le,

2 KORIN 11:21

Kan chak lo rawh hâwi hen sik bû hen ka sim asi. Sikhawmsele, âuzawng nih zei leikâng zawng an ngamh mi vial- â tak hen sim ko sele, kei khawm nih ka ngamh.

2 KORIN 2:14

Sikhawmsele, Krist nehnâk ah hawng kan rui kumzatu leh kanmah tla mang hen mun kip ah amah theihnâk rim theihtirtu Pathian sinah chun lâwmthu um seh.

2 KORIN 3:12

Chun, chu hâwi lungumnâk kan nei ruangah zeizawng kan sim tâwn asi, Mosi ti hâwi khan kan ti lo;

2 KORIN 7:14

A sinah zei leikâng khawm ah nanmah tla an putso na khawmsele ka mualpho lo; mualpho ngangâk hen zeizawng nan sinah thu tatak kan sim tâwn hâwi khan Tita mâika ah kan putso mi chu thu tatak a hawng si taktê.

2 KORIN 8:24

Churuang chun, nan zângfah ti theihnâk leh kan putso na mi theihnâk chu kawhmi murui mâika ah chun an sinah langhtir u.

PHILIPI 1:14

Lalpa ah unau tam dauh khawm nih ka rêngkhimh tla ruangah lung thlir hen ṭih lo hen Pathian thusim leikângah an râl a ṭhat zia a fâk khun asi.

PHILIPI 1:20

tu khawm ah nungnâk ruangah mawh thihnâk ruangah mawh ka taksa ah Jisu chawnglawmh hen a um dauh awt ti ka lungumnâk leh ka duhnâk hâwi vima hen.

PHILIPI 1:26

chun, nan sinah ka um awt ruangah nan ka putsonâk chu Krist Jisu ah a zual khonâk ding hen.

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

1 THESALONIKA 2:19

Kan lungumnâk mawh, kanna lâwmnâk mawh, kan lallukhuh putso mawh zei me asi ne? A hawng tikah kan Lalpa Jisu mâika ah chun nanmah ngelchel nan si awt mi asi lo ma?

1 THESALONIKA 2:2

a thawt ngangâk hen, chu lân chun nan theih rawh hâwi hen Philipi khua ah hamh tuar leh ningzakkâi tak hen siam kan si nûn khan nawk tak bû khawm hen Pathian Thâwngthâng Ṭha nan sinah sim ding hen kan Pathian lakah chun kan râl a ṭha lehlam kha.

2 THESALONIKA 1:4

chun, mi nih an nehsawh na nâk zawzawng ah leh hamh nan tuarnâk tla lakah chun nan felfê zia leh nan lung zia ruangah Pathian kawhmi murui lakah chun kannih nih kan putso na tâwn asi, chubang chu Pathian ram ah mi si tlâk a ruat nan si kho awt ti,

PHILEMON 1:7

Unaupa, nangmah zârah mi thenhlimh tla thinlung a hawng thawk ruangah na dâwtnâk ah chun ka lâwm hen thungâi ka lungngam asi.

JEM 1:2

Ka unau le tla, nan lakah niknâk zeital hawng um khawmsele, vânṭhatnâk ah ruat u.