2 KORIN 7:11 - Bawm Common Language Bible Version

¹¹ Chun, ngâinik u, Pathian duhzia hâwi a ngaihsiattir hen nan umnâk takah chun thiamthihnâk tla, mah a sim thiamnâk tla, thinthawknâk tla, ṭihnâk tla, lunglêngnâk tla, ṭhanemsemse ngâinâk tla, lehrûl samnâk tla nanmah lakah a siam zia a fâk a! Zeizawng ah chubang thu ah chun nan thiang ti nanna langh rawh.

2 KORIN 7:11 ပူးပေါင်းရင်းမြစ်များ

NEHEMIAH 13:25

Chu minung tla chu siatbarh na hen vuak na hen an sam phâwi piak hen nun ka simh na. Churawhchun, anmah leh an fa tla nih phundang tla umpi na lo rawh ding hen Pathian min hen siat ka tleihtir na.

JOB LASUIBU 42:6

Churawhchun, thu ka sim mi zawng ruangah thungâi ka ning a zak le, vachâm leh valeidip lakah ka rim rawh,” a ti.

SAM 119:139

Ka mêlma tla nih na dân an siarlo ruangah, mei hâwi hen ka thinthawknâk chu ka lakah a alh.

SAM 130:6

Mi nih khuadei a ngâk mi ngâk hen, LALPA ka ngâk mi chu a fâk dauh, asi, ka ngâk kumza ko.

SAM 145:19

Amah zahtu tla sinah chun an herh mi a pêk na le; an âu mi a ngâi le, ruang a suah na.

SAM 2:11

Ṭih bû hen LALPA rian chu ṭuan ule;

SAM 35:13

An damlo zâwnah lungkham tak hen puan ka aih, buh ei lo hen ka um; ka lû kûn hen thla ka cham,

SAM 38:9

LALPA, ka duh mi chu na theih; ka rûm mi tla khawm na theih.

SAM 42:1

Pathian, sakhi a tîhâl mi nih tiva mi tî kîk a duh hâwi hen, kan duhnâk hi a fâk asi.

SAM 69:9

Na Biakin ah ka pumpêknâk nih chun mei hâwi hen hawng ka khangh. Nangmah lakah simsiatnâk chu ka lakah a hawng.

THUFING LASUIBU 14:16

Mifing tla chu nawknâk ah mi suak ding hen anna thiamthih le, sikhawmsele mi mâwl chu anna thiamthih lo le, an ti sut tâwn.

THUFING LASUIBU 28:14

LALPA thu ngâi kumza le, na lâwm lai. Na lung a khung chun, nangmah râwknâk asi lai.

LA TLA LA 8:6

Mikip duh lo ding hen na thinlung khâr le, keimah lâwng hawng ka duh, keimah lo chu âukhawm na kut hen sih lah na. Dâwtnâk chu thihnâk hâwi hen thil a ti kho le, duhnâk chu thihnâk hâwi ber hen a chak. Meialh a hawng suak le, mei a tlân mi hâwi hen a kâng.

ISAI 26:8

Na duhzia hâwi hen kan um le, nangmah lakah kan lungum; kan duh mi zawzawng chu nangmah na si.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

DANIAL 6:14

Chu thu chu lal nih a theih rawh chun a thinlung a râwk thlo, a chelh ri hen Danial chu hum khonâk kâng a hâwl, nî tlâk tiang hen â ṭang.

MARK 3:5

Chun, an thinlung chang zia chu thungâi pawi ti piak hen, thinthawk bû hen anmah tla a zauh na nûnah chu minung sinah chun, “Na kut zangh rawh,” a ti. Chun, a van zangh le, a kut chu a dam rawh.

JOHAN 2:17

“Na in ah ka semsê ngaihnâk nih hawng ka ei hep lai,” ti rîn asi ti a ṭhiruai tla nih an theih nawlh rawh.

THILTI 17:16

Chun, Pawl nih Athen khua ah annih chu a ngâk na liauah chun khua chu pathian lem tla khat hen a muh le, a thinrun rawh.

ROM 11:20

Hi hi a dik asi: An lunglonâk ruangah khiak hen an um le; nang na lungnâk ruangah na dîr asi.

ROM 14:18

Âuzawng chubang thu lakah chun Krist rianṭuan chu Pathian lawmhkâng leh minung sawr hen a um tâwn asi.

ROM 3:5

Sikhawmsele, kan a replonâk nih hin Pathian repnâk chu dawh khun hen a langhtir chun zeise kan sim lai? Pathian nih mi a rêp hen mi replo asi mazei? Minung ti dân hâwi hen ka sim asi.

1 KORIN 5:2

Chun, chu thil titu chu nan lakah mi suah ding mi lawksawngpi ngâk hen zumhnâk ah lam nan mang.

2 KORIN 13:7

Chun, thil rerêng nan suallonâk ding hen Pathian sinah ka deih tâwn le, chu chu kannih hi lawmhkâi hen kan lang khonâk ding asi lo le, nannih nih â dawh mi zawng nan ti khonâk ding hen asi dauh, kannih chu duh lo hâwi hen um khawmsele.

2 KORIN 2:6

Chu hâwi mi rangah chun mi tam tak nih an rêp mi chu â tâwk rawh asi.

2 KORIN 6:4

Pathian rianṭuantu tla hâwi hen zei lak zawng ah mi lungnâ tla hen kan um dauh tâwn.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

2 KORIN 7:7

A hawng kalnâk cho nih chun asi lo le, nan lunglêng zia tla, nan ṭap zia tla, ka tlûnah ṭhanemsemsê nan ngâi zia tla hawng kan simh hen nanmah an lungngamh na nâk khawm nih chun hawng kan lungngamh rawh asi; chun ka lâwm khun asi.

2 KORIN 7:9

Tu chun kâ lâwm asi, ngaihsiattir hen nan um ruangah asi lo le, rimnâk ding hen nan ngaihsia ruangah asi dauh. Kanmah ruangah zeikhawm nan dawk lonâk ding hen Pathian duhzia hâwi hen ngaihsiattir hen nan um asi.

2 KORIN 9:2

“Kum khat asi rawh, Gris ram mi tla chu timhtuah hen an um rawh,” ti hen Makedonia ram mi le tla sinah ka nan putso na tâwn le; chun nan ṭhanemsemsê ngâinâk nih chun an lakah mi tam tak thinlung a panhtir rawh.

EPHESI 4:26

Thinrun khawm ule, sual lam chu sual lah u; nan thinthawknâk chu nî nih tlâkpi lah seh.

EPHESI 5:11

Chun, mûi thilti rah dahlo lakah chun telnâk rerêng nei lah u, tel ngâk hen an mawh zia theihtir dauh na u;

PHILIPI 2:12

Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

1 THESALONIKA 4:6

chu leikângah chun âukhawm nih buar hen a unau lakah thil ṭhalo ti lah seh; Lalpa chu chu hâwi thil titu zawzawng lehrûl samtu asi ruangah kannih khawm nih kan simkan hen ka nan theihtir na rawh hâwi khan.

1 TIMOTHE 5:20

Thilsual titu chu mi zawzawng mâika ah nunsimh rawh, midang tla khawm an ṭih bâk khonâk ding hen.

2 TIMOTHE 2:15

Rianṭuantu thu dik thu rep tak hen mangtu chu ningzak ding asi lo hâwi hen, Pathian ngaih hen ṭha hâwi a langhtir ding hen semsêngâi rawh.

TITA 3:8

“Pathian lung rawh mi nih chun thil ṭha ti vima ding hen tum seh,” ti thu hi zumh a kâi asi, chu thu chu râlṭha tak hen na sim thlir ding hen ka nan duh asi. Chubang thu chu minung tla rangah a ṭha hen mang a tlâk asi.

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.

JUD 1:23

Mei lakah an um mi tla chu ruangsuah na ule, an nipuan an duhnâk sual nih a nawmh rawh mi tla chu fih hen, an tlûnah ṭih bû hen zângfahnâk langhtir u.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.