2 KORIN 7:10 - Bawm Common Language Bible Version

¹⁰ Pathian duhzia hâwi hen ngaihsiatnâk nih chun ruangsuahnâk ding hen sîrnâk cho silo hen rimnâk a siam tâwn; laikulh ngaihsiatnâk nih chun thihnâk a siam dauh tâwn.

2 KORIN 7:10 ပူးပေါင်းရင်းမြစ်များ

GENESIS 30:1

Jakob rangah Rakel nih fa a ring piak lo. Churawhchun, a unu rangah a nahsuah le, Jakob sinah, “Fa hawng ka pêk, chu hâwi asi lo chun ka thi ving awt,” a ti.

2 SAMUEL 12:13

David nih Nathan sinah “LALPA tlûnah thilsual ka ti ngâk asi,” a ti. Nathan nih, “LALPA nih a nan ngaihdam rawh, na thi lai loh.

2 SAMUEL 13:4

Jonadab nih Amnon sinah, “Nang hi lalchem fapa na si, sikhawmsele a ni ni hen zûrnâk mêl na put dadauh mi hi a san zei?” a ti. Anih nih a sâng le, “Ka unaupa, Absalom farnu thungâi ka duh,” a ti.

2 SAMUEL 17:23

Ahithophel nih a krai a pêk mi an zûl lo ti a theih rawh chun, a sanatung a timhtuah le, amah khua leiah a kîr rawh. A thilti ding a ti thluh rawh chun â âwk le, a dâwngsung le thlân ah an vûi rawh.

1 Lal 21:4

Ahab chu Naboth thusim ruangah thinthawk leh lungsilo hen in leiah a lâwi. A ihkhun ah vân lei hawi hen a it le, buh khawm a ei lo.

SAM 38:18

Ka sual ka phuang le, ka lawk an ka sawngtir.

THUFING LASUIBU 15:13

Mi tla chu anna lâwm chun an nî tâwn, an ngaihsia chun an zûr thlo tâwn.

THUFING LASUIBU 15:15

Mi pâm nungnâk chu lawksawngnâk dawnglo asi. Sikhawmsele mi â lâwm mi tla nih chun lâwmnâk an nei kumza:

THUFING LASUIBU 17:22

Thinlung lawmhnâk nih a nan ṭhiseltir lai. Zûr kumza hen um chu dusah hen thihnâk asi.

THUFING LASUIBU 18:14

Na damlo liauah nung ding hen na duhnâk nih a nan nuamtir dauh lai. Sikhawmsele, duhnâk na nei lo chun lungum ding na nei lo rawh.

THUSIMTU 7:3

Nih ngâk hen ngaihsiatnâk a ṭha dauh; na mêl chu a zûr kho, sikhawmsele theihthiamnâk a nan pêk lai.

JEREMIA 31:9

Ka mi tla chu ṭap bû leh thlacham bû hen ka kîrpi na lai. Tinungva leiah suih bah umlonâk lam tluang ah ka kalpi na lai. Israel tla lakah chun pa hâwi kasi le, Efraim lam chu ka fa upachem asi,” a ti.

EZEKIEL 7:16

A zeimaw mi chu tivakuam ah mi vaṭhu tla an lâu mi hâwi hen tlâng leiah an tek lai. An ektê hen anmah sual ruangah an rûm lai.

JONA 3:10

Pathian nih an thilti dân leh thilsual ti duhnâk an lêt mi chu a muh na rawh. Churawhchun, a thinlung a lêt le, rêp ding a tum na mi chu a lêt rawh.

JONA 3:8

Minung leh ran zawzawng khawm nih salâpuan aih hep ding asi. Mikip nih thinlung tak hen thlacham chiau hen thilsual ti duhnâk leh thilsual ti mi tla lêt hep ding asi.

JONA 4:9

Sikhawmsele Pathian nih a sinah, “Hi thil a hawng kho mi thu ah nang zei thinthawk ding a um?” a ti. Jona nih a sâng le, “Thinthawk lo chun ne? Thih tiang a thawk awt!” a ti.

MATHAI 26:75

Chun, Peter nih chun, Jisu nih, “Âr a khuang lânah nangnih veithum na ka pheh lai,” a ti mi thu kha a hawng theih nawlh rawh. Chun, a suak le, ngaihsia tak hen a ṭap rawh.

LUK 15:10

Ka nan simh na chu hâwi ber hen Pathian vânmifial tla lakah chun misual pakhat a rim mi tlûnah anna lâwm tâwn asi.”

LUK 18:13

“Siah khawlhtu lam chu lât takah a dîr le, vân lei khawm a zauh ngam lo. ‘Pathian, kei misual hi hawng ka zângfah,’ ti hen, a ir rerêng a chumh.

THILTI 11:18

Chun, chubang thu chu an theih hen an dâisip rawh, “Chu hâwi asi chun Pathian nih Phundang tla nung ding hen rim a siang rawh ma chu!” ti hen, Pathian an sawr rawh.

THILTI 3:19

Churuangah nan sual tla tlâutir asi khonâk ding hen rim ule, a her nawlh u.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

2 KORIN 7:9

Tu chun kâ lâwm asi, ngaihsiattir hen nan um ruangah asi lo le, rimnâk ding hen nan ngaihsia ruangah asi dauh. Kanmah ruangah zeikhawm nan dawk lonâk ding hen Pathian duhzia hâwi hen ngaihsiattir hen nan um asi.

HEBRAI 12:17

Chu nûnah chun, a pa malsâwmnâk chu ting ding duh hen mitthli tla bû hen ngiar khawmsele thinlung lêtnâk a nei lo ruangah a tawng lo rawh ti nan theih asi.

1 SAMUEL 30:6

David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,