2 KORIN 7:1 - Bawm Common Language Bible Version

¹ Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

2 KORIN 7:1 ပူးပေါင်းရင်းမြစ်များ

2 CHRONICLES 19:9

Hi bang sîntirnâk tla hi a simh na: “LALPA ṭih bû hen rian nan ṭuan ding asi, nan thilti zawzawngah zumhkâi tak hen a thu nan zûl ding asi.

SAM 119:9

Tlangvâl nih zeitin a nunchan a thenhlimhtir kho zia lai? Na thupêk tla zûl hen.

SAM 19:9

LALPA sawnh hi a ṭha le, a um kumza lai. LALPA lâirêl tla chu a dik le, an ṭha kumza.

SAM 51:10

Pathian, ka lakah thinlung thenhlimh siam le, thlarau dik leh thar ka lakah siah.

THUFING LASUIBU 16:6

Zumh tlâk leh rinh tlâk hen um le, Pathian nih na sual a ngaihdam lai. LALPA thu ngâi le, na lakah thilsual zeikhawm a tlung lai lo.

THUFING LASUIBU 20:9

Mi âunih a sualnâk lakah mi ruangsuak hen a sia leh a ṭha a dik ti sim khotu um?

THUFING LASUIBU 30:12

Mi zeimaw mi chu thenhlimh tak hen anna ruat le, anna nâwm kho rirî hen an um.

THUFING LASUIBU 8:13

LALPA zah ding hen chun sual hua ding asi; mi â zûm mi leh a sung-û tir mi chu ka hua, sual leikâng leh âwkrâwl thu khawm ka hua.

THUSIMTU 11:10

Zei thil khawm nih lawksawngnâk leh nganfâknâk a nan pêk lah seh. Sâwt tak seino na si kumza awtlo.

ISAI 1:16

Thiang ver hen a ṭâwl u. Thilsual nan ti mi ka muh mi tla hi bâng u.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

JEREMIA 13:27

A hua mi thil na ti mi chu a muh rawh. Mi nih a zâwlbâwm nupi a ngarh mi hâwi leh rang phawl nih a nunau a zûl mi hâwi hen tlângah leh phâisen ah lunglotu pathian tla na zûl mi a nan muh. Jerusalem mi tla, nan vânduai rawh! Zeitik riamruam me na thiang awt?

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

LEVITICUS 13:58

Chun a suk hen a lang lo thlo asi chun a suk nawlh lai le, a thiang lai rawh.

MATHAI 12:33

“Thing chu a ṭha, a rah khawm a ṭha nan ti lo dâidua chun, thing chu a sia, a rah khawm a sia ti dâidua u; thing chu a rah lakah â theih ruangah.

MATHAI 5:48

Chuvachun, nan Pa vân a mi a ṭha rangtling hâwi hen nan ṭha rangtling ding asi.

MATHAI 5:8

“Thinlung ah thenhlimh tla chu an thaw a suak, Pathian an muh awt ruangah!

THILTI 9:31

Chun, kawhmi tla chu Juda ram kiangkam ah, Galili kiangkam tla, Samaria kiangkam tla ah chun an bir dadauh le, lungngam tak hen an um rawh. Chun, Lalpa ṭih îk hen, Thlarau Thenhlimh lungngamh hen an um le, an pung dadauh.

ROM 5:20

Chun, sual a lang khun ding hen Dân a hawng um nawlh sawm. Sikhawmsele, sual a pungnâk kip ah Pathian zângfahnâk chu a pung khun tâwn.

1 KORIN 6:20

Churuangah, nan taksa hen Pathian chawnglawmh u.

2 KORIN 1:20

Pathian thutiam tla chu zeizat tal si khawmsele amah lakah chun, “Asi” ti chu a um le; chun amah ruang khawm ah, “Amen” ti chu a um asi, kanmah tla ruangah Pathian rokualnâk ding hen.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

1 THESALONIKA 3:13

Chun, kan Lalpa Jisu a mi thenhlimh zawzawng tla hen a hawng kal tikah, kan Pathian leh kan Pa mâika ah nan thinlung tla thenhlimhnâk leikângah simsâwi kawplo hen a nan birhtir kho na lai.

1 THESALONIKA 4:7

Pathian nih nâwmtâm ding hen a kan kawh lo le, thenhlimh ding hen hawng kan kawh dauh asi.

1 THESALONIKA 5:23

Chun remnâk Pathian tak nih nan pum hen an thenhlimhtir na seh; chun, nan thlarau leh nan thinlung leh nan taksa chu kan Lalpa Jisu Krist a hawng kal tik chun simsâwi kawplo hen a pum hen hum hen um seh.

HEBRAI 12:23

Vân ah an min rîn hen an um mi Pathian fa tîr tla pumhnâk lawmhkâi takah nan hawng tleng rawh. Mi zawzawng lâirêltu leh mirep thlarau tla rangtling hen siamtu Pathian sinah nan hawng tleng rawh.

HEBRAI 12:28

Chun, ram ninh kho lo mi kanna ting ruangah kanna lâwm lai. Amah lawmhkâng a um hen, ṭih leh zah tâk bû hen, lâwm tak hen Pathian kan sawnh lai;

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

HEBRAI 6:9

Sikhawmsele, unau tla, hi hâwi hen sim menza khawmsele, nannih lam chu kan theihfiang na. Nan ruangsuahnâk lakah mi malsâwmnâk ṭha dauh tla nanna ting ti kan theih asi.

JEM 4:8

Pathian naih u, chun anih nih a nan naih na lai. Misual tla, nan kut tla ṭâwl u, mi perpê tla, nan thinlung thenhlimhtir u,

1 PETER 1:15

An kawh natu Pathian chu a thenhlimh hâwi hen, nan thilti zawzawngah a thenhlimh u.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.

1 JOHAN 3:3

Âuzawng Jisu Krist ah lungnâk nei mi vial nih amah â thenhlimh hâwi hen a thenhlimhtir tâwn.