2 KORIN 6:4 - Bawm Common Language Bible Version

⁴ Pathian rianṭuantu tla hâwi hen zei lak zawng ah mi lungnâ tla hen kan um dauh tâwn.

2 KORIN 6:4 ပူးပေါင်းရင်းမြစ်များ

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

JOEL 1:9

Biakin ah ap ding mi fâng mawh uain mawh khawm a um lo rawh. LALPA rangah ap ding an nei lo rawh ruangah bâwlpu tla khawm an lung a fâk.

JOEL 2:17

Bâwlpu tla nih mâichâm leh LALPA Biakin kawtkâ karah LALPA rianṭuan na sele, ṭap hen thlacham na seh: “LALPA, na mi tla hi lungkham na rawh. Phundang tla nih zauhnawmh ding leh nehsawh hen, ‘Nan Pathian zeiah?’ hawng kan ti ding hen hawng kan siang lah,” ti na seh.

LUK 21:19

Nan felfênâk nih nan nungnâk a hum lai.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

THILTI 2:22

“Nannih Israel mi le tla, hi bang thu hi theih u rawh: Nazaret Jisu, Pathian nih amah mang hen nan lakah thil rokual tla, thilchê tla, leh singsiahnâk tla a ti mi nih khan a nan theihfiangtir na kha; nannih nih chubang chu nan theih asi.

THILTI 20:34

Hi kut tla nih hin kei leh ka hâwi tla pawiherh a suah tâwn kha nanmah tak nih nan theih.

THILTI 9:16

Chun, ka min ruangah hamhnâk zei hâwi tluk a fâk mi a tuar ding amah ka theihtir awt asi,” a ti.

ROM 14:18

Âuzawng chubang thu lakah chun Krist rianṭuan chu Pathian lawmhkâng leh minung sawr hen a um tâwn asi.

ROM 16:10

Krist lakah mi tak, Apelis kha chibai hawng ka bûk piak u. Aristobulas dâwngsung tla lakah mi kha chibai hawng ka bûk piak u.

ROM 3:5

Sikhawmsele, kan a replonâk nih hin Pathian repnâk chu dawh khun hen a langhtir chun zeise kan sim lai? Pathian nih mi a rêp hen mi replo asi mazei? Minung ti dân hâwi hen ka sim asi.

ROM 5:8

Sikhawmsele, Pathian nih chun a kan dâwtnâk chu sawr tlâk hen a langhtir le, misual tla kan si liauah Krist kan ruangrûl ah a thi ruang khan.

1 KORIN 3:5

Apolo chu zei me asi? Pawl khawm chu zei me asi? Rianṭuantu nanmah tla a nan lungtir natu cho an si, chu khawm chu Lalpa nih a pêk na vevê mi hâwi vima asi.

1 KORIN 4:1

Kannih tla hi Krist rianṭuantu leh Pathian thu thup zauhkhenhtu ah mi nih hawng kan ngaih seh.

1 KORIN 9:11

Kannih thlarau lei chî tla chu nan rangah kan tuh rawh chun, nan taksa lei tla thu chu ât khawmsele thil dingchang tak ma asi lai?

2 KORIN 11:23

Krist rianṭuantu tla an si mu? Mi â hâwi hen sim ko tâ sele, kasi dauh ngengê. Ṭuan hamhnâk lakah fâk khun hen, rêngin ah tângnâk ah fâk khun hen, vuaknâk ah lei zut hen, thihnâk ah vei tam tak,

2 KORIN 11:27

sungvâng leh tîhâlnâk ah, buhngeinâk ah vei tam tak, damlo leh takkaro hen umnâk ah.

2 KORIN 11:9

Chun, nan sinah ka um le, ka samphâng liau khan âukhawm ka hamhtir na lo, unau tla chu Makedonia ram a mi an hawng hen ka samphângnâk chu kasi an remtir; zeizawng ah nanmah hamhtir lo hen ka um kha, kha hâwi khan ka um vima lai.

2 KORIN 12:10

Churuangah, Krist ruangah chaklonâk tla ah, siatnâk tla ah zirhnâk tla, nehsawhnâk tla, vânduainâk tla ka lawmh tâwn; ka chak lo kip ah asi ka chak tâwn.

2 KORIN 12:12

Mifial sinâk singsiahnâk tla chu felfênâk zeizawng nei hen, singsiahnâk tla, thilchê tla, thiltikhonâk tla hen nan lakah ti asi tatak kha.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

2 KORIN 3:6

Amah ber nih chun thutiam rianṭuantu ah hawng kan tlinhtir le, a lasui thu ko ah rianṭuantu si lo hen, a thlarau rianṭuantu ah asi dauh. A lasui thu ko nih chun a thah tâwn lo, thlarau lam nih chun a nungtir tâwn asi.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

2 KORIN 4:2

thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

2 KORIN 4:8

Khatlei khatlei ah nawktir hen kan um, sikhawmsele kan thaw a pit loh; lawksawng hen kan um le, sikhawmsele kan lung a dawng loh;

2 KORIN 7:11

Chun, ngâinik u, Pathian duhzia hâwi a ngaihsiattir hen nan umnâk takah chun thiamthihnâk tla, mah a sim thiamnâk tla, thinthawknâk tla, ṭihnâk tla, lunglêngnâk tla, ṭhanemsemse ngâinâk tla, lehrûl samnâk tla nanmah lakah a siam zia a fâk a! Zeizawng ah chubang thu ah chun nan thiang ti nanna langh rawh.

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

1 THESALONIKA 3:7

Churuang chun, unau tla, kan lawksawng leh hamhnâk zawzawng ah, nan lungnâk ruangah nan tlûnah lungngam tak hen kan um rawh.

1 THESALONIKA 5:14

Chun, unau tla, ka nan ngiar na, dân lo hâwi a um tla chu nunsimh ule, thinlung dî tla chu fawrh ule, chaklo tla chu ṭangpi ule, mi zawzawng lakah dawnhkho tak hen um u.

1 TIMOTHE 2:15

Sikhawmsele lungnâk leh dâwtnâk leh thenhlimhnâk nei hen thinlung rep tak hen nunau chu a um kumza chun fa tla a ring ruangah ruangsuah hen a um lai.

1 TIMOTHE 4:6

Chubang sîntirnâk tla, na zûl mi sîntirnâk dik leh lungnâk thu tla ah thlarau ah na châwm hâwi hen unau tla na sîntir na chun Jisu Krist to-aw ṭha tak na si lai.

1 TIMOTHE 6:11

Sikhawmsele, nang, Pathian mi chubang thu chu tektâk le, repnâk, Pathian sunhsaknâk, lungnâk, dâwtnâk, dawnhkhonâk leh nunnêmnâk tla chu zûl rawh.

2 TIMOTHE 1:8

Chun, kan Lalpa thu theihtirnâk chu zahpi lah le, kei, amah mi rêngtlâ khawm hi hawng ka zahpi ber lah. Thâwngthâng Ṭha ruangah hamh hi Pathian thiltikhonâk hâwi vima hen, hawng ka tuarpi lehlam rawh.

2 TIMOTHE 2:24

Lalpa to-aw nih chun do ding asi lo le, mi zawzawng lakah vêlnei hen, sîntir thiam hen, sual lakah dawnhkho hen,

2 TIMOTHE 4:5

Nang lam chu zeizawng ah a thiamthih le, hamh tuar le, Thâwngthâng Ṭha simtu lei rianṭuan le, na rianṭuannâk kha zawh rawh.

HEBRAI 12:1

Hawng kan theihpitu mi zapi tam tak kan kiangkam ah um mi ruangah hawng kan nawktirtu zawng leh sual kanmah lakah um mi chu kan lawnh lai. Chun, Jisu kan lungnâk ngauhnâk ah rangtlingtirtu lei chu zauh hen, kan mâilei ah tekzuamnâk ding a um mi lakah felfê tak hen kan tek vima lai.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.