2 KORIN 6:2 - Bawm Common Language Bible Version

² “Tik lawmhkâi ah ka nan ngâi le, Ruangsuahnâk ni ah ka nan ṭangpi,” ti hen Pathian nih a sim mi chu ngâi u. Ngâinik u! Tu hi tik lawmhkâi chu asi, tu hi ruangsuahnâk ni chu asi!

2 KORIN 6:2 ပူးပေါင်းရင်းမြစ်များ

SAM 69:13

Kei lam chu LALPA, na sinah thla ka hawng cham lai. Pathian na tik na ruat mi lakah hawng ka sâng. Ruangsuah ding hen thu na tiamh ruangah na dâwtnâk rokual ruangah hawng ka sâng.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 61:2

LALPA nih a mi tla ruang a suah na ding mi leh Mêlma tla a neh piak ding mi tik a tlung rawh Ti sim ding hen hawng ka fial. Mi ngaihsia tla sinah thlangamh ding hen hawng ka fial.

EZEKIEL 16:8

“Na kiangah ka nan pal nawlh liauah, duh ding hen na za rawh mi ka nan muh. Na zo langhnâk chu ka kawrdawh hen ka nan khuh le, a nan dâwt ding hen thu ka tiam. Asi, a nan umpi ding hen thudântuk ka siam le, ka tâ na si rawh,” a ti. Hi hi LALPA Zahkâi thusim asi.

LUK 18:37

Chun, annih nih chun, “Nazaret Jisu a kal asi,” ti an simh

LUK 4:19

Lalpa lungâwi kum thu sim ding hen hawng ka fial asi,” ti hi.

HEBRAI 3:13

Pathian lasui thu nih, ‘Tusûn an ti sung hin, nisiar hen a fawrh tawnh u. Chu lo chun, nan lakah mi âumawh sual perpetnâk ah lungkhungtir hen nan um sual lebang lai,’ ti hen kan sinah a mang asi.

HEBRAI 3:7

Chun, Thlarau Thenhlimh nih, “Tusûn hin a aw-hâu nan theih chun,

HEBRAI 4:7

Kum tam tak nûnah David lakah a sim mi “Tusûn,” ti hen ni dang a ruat nawlh asi. Pathian lasui thu nih, “Tusûn hin a-aw nan theih chun, nan thinlung changtir lah u,” ti hen.