2 KORIN 5:9 - Bawm Common Language Bible Version

⁹ Churuangah, um sele, um lah sele, amah lawmhkâng si kan tum thlir tâwn asi.

2 KORIN 5:9 ပူးပေါင်းရင်းမြစ်များ

GENESIS 4:7

Thil dik ti le chu na nihsuak ding mi; khawmsele thilsual na ti ruangah sualnâk nih na inkhâr bul ah an bawh ko. Chu sualnâk nih chun na tlûnah thuneih a duh le, chu chu na neh ding asi,” a ti.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

THILTI 10:35

sikhawmsele, phunkip lakah âuzawng amah ṭih hen rep tak a ti mi vial a lawmh kâng an si tâwn.

ROM 14:18

Âuzawng chubang thu lakah chun Krist rianṭuan chu Pathian lawmhkâng leh minung sawr hen a um tâwn asi.

ROM 14:8

Kan nung chun Lalpa rangah kan nung le, kan thih khawm Lalpa rangah kan thi asi; churuangah, kan nung khawm ah, kan thi khawm ah, Lalpa tâ kan si.

ROM 15:20

Asi, midang lungphûm tlûnah dirh kasi lonâk ding hen, Thâwngthâng Ṭha chu Krist min lam rawh nâk mun ah sim lo hen,

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

2 KORIN 5:6

Chun, taksa ah kan um sung hin Lalpa sinah kan um lo ti theih hen kumleza hen thlangam tak hen kan um tâwn;

2 KORIN 5:8

Thlangam tak hen kan um kan ti taksa ah um lo hen Lalpa sinah um kan duh dauh.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 1:29

chubang hâwi a dîrtir kho ding hen fâk tak hen keimah lakah a ṭuan mi, chu a ṭuan zia hâwi vima hen ti rarâm hen hamh tak hen ka ṭuan tâwn asi.

1 THESALONIKA 4:1

Chun, unau le tla, a dawnghchem ah chun, nan umdân ding leh Pathian nan lawmhtir ding dân, tuah nan umdân hâwi hi kan sinah mi nanna ting hâwi khan nan châwng khunnâk ding hen Lalpa Jisu ah kan ngiar na hen kan fawrh na asi.

1 TIMOTHE 4:10

Chun, kan lungumnâk chu Pathian nung ah chun kan ngauh ruangah hamh tak a ṭuan hen kan ti rarâm asi, anih chu mi zawzawng Ruangsuahtu asi, lungtu tla rangah asi dauh chem.

HEBRAI 12:28

Chun, ram ninh kho lo mi kanna ting ruangah kanna lâwm lai. Amah lawmhkâng a um hen, ṭih leh zah tâk bû hen, lâwm tak hen Pathian kan sawnh lai;

HEBRAI 4:11

Kan lakah âukhawm ê-aw ngâilo ruangah an lût kho lo phah mi hâwi kan si lonâk ding hen Pathian sinah lût leh a dîn ding hen kan chelh ri kan suah lai.

2 PETER 3:14

Churuangah, duhtak le tla, chu Ni nan ngâk ruangah Pathian mitmuh ah thenhlimh leh sual lo hen a sinah lungngam tak hen nan um khonâk ding hen a ṭang u.