2 KORIN 5:5 - Bawm Common Language Bible Version

⁵ Chun, chu mi rangah tak chun hawng kan timhtuahtu chu Pathian asi, Thlarau Thenhlimh hawng kan pêktu kha.

2 KORIN 5:5 ပူးပေါင်းရင်းမြစ်များ

ISAI 29:23

Fa ka nan pêk na ding mi nan muh tikah chun, kei hi Israel Pathian thenhlimh kasi ti nan theihtir lai. Nan ka zah lai le, chê nan ka ti hen nan dîr lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ROM 8:23

Chu cho asi lo, kannih ngelchel khawm Thlarau Pathian thilpêk nei masatu nih hin, fa kan sinâk, kan taksa tlanhnâk chu ngâk hen, kannih ngelchel khawm kan thinlung hen kan rûm bâk.

2 KORIN 1:22

Anih chu hawng kan singsiahtu leh kan thinlungah Thlarau Thenhlimh hawng kan pêktu asi ber.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.