2 KORIN 4:9 - Bawm Common Language Bible Version

⁹ nehsawh hen kan um le, sikhawmsele kaltâk hen kan um lêm loh; tlû thlo hen hawng kan vuak le, sikhawmsele veih thlo hen kan um loh.

2 KORIN 4:9 ပူးပေါင်းရင်းမြစ်များ

JOB LASUIBU 22:29

Pathian nih mi â zûm mi chu a niamh le, thinlung nâu mi tla chu ruang a suah na.

SAM 129:2

“Ka mêttê thawk hen, ka mêlma tla nih fâk tak hen an ka nehsawh le, sikhawmsele an hawng ka neh loh.

SAM 22:1

Ka Pathian, ka Pathian, zei rangah na ka kaltâk? Lungdawng rê hen ṭangpi deih hen ka âu le, sikhawmsele a hawng rerêng lo!

SAM 37:28

Pathian nih a dik mi chu a lawmh ruangah, a mi zumhkâi tla chu a kaltâk lo. A hum kumza na le, khawmsele misual thlâk tla chu a nar phin lai.

SAM 42:11

Zei rangah hi tluk rak hen ka ngaihsia? Zei rangah ka lawksawng? Pathian lakah ka lungumnâk ka siah lai le, ka ruangsuahtu leh ka Pathian chu ka sawr nawlh lai.

SAM 42:5

Zei ruangah hi tluk rak hen ka ngaih a sia? Zei ruangah hi tluk rak ka lawksawng? Pathian sinah ka lungumnâk ka siah lai le, ka ruangsuahtu leh ka Pathian chu veikhat ka sawr nawlh lai.

SAM 9:10

LALPA, a nan theihtu nih chun a nan zumh lai; na sinah hawngtu tla chu âukhawm na nar loh.

THUFING LASUIBU 24:16

Mi zumhkâi chu tlû khawmsele a pawi lo, a thawk nawlh awt nget ruangah, sikhawmsele siatnâk nih mipâm chu a veih lai.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 62:4

“Kaltâk mi” ti hen kawh na si lai lo rawh le, Na ram khawm “Nupi mâkchia” ti hen kawh asi lai lo rawh. Na min thar chu Heph-zi-bah (Pathian a sinah â lâwm mi) ti asi lai. Na ram chu Beaulah (Lâwm tak hen umpi mi) ti asi lai. LALPA chu na lakah â lâwm ruangah leh Na ram rangah chun pasal hâwi asi ruangah.

MIKAH 7:8

Kan mêlma tla nih a san umlo hen hawng kan diriamh. Kan tlû le, sikhawmsele kan thawk nawlh lai. Tu chun mûi ah kan um le, sikhawmsele LALPA nih chêu hawng kan pêk teh lai.

HABAKUK 3:17

LALPA Pathian chu ka ruangsuahtu Pathian asi ruangah theipi tla rahlo hen, grep zûn tla chawrh lo hen, oliv rah tlawng hen, Phâisen ah fâng suak lo khawmsele,

JOHAN 15:20

‘To-aw a pu ngâk hen a rokual lo,’ ti thu kan simh na rawh kha, theihkumza u. Anmah nih kei an ka nehsawh chun, nannih khawm an nehsawwh na lai; ka thu an zâwt chun, nannih thu khawm an zâwt lai.

ROM 8:35

Krist dâwtnâk lakah thawk hen âunih me hawng kan ṭhen kho lai? Hamhnâk nih mawh, ngaihsiatnâk nih mawh, nehsawhnâk nih mawh, pâmnâk nih mawh, takkaronâk nih mawh, ṭihnungkâinâk nih mawh, nâmsâu nih mawh hawng kan ṭhen kho lai ma?

2 KORIN 7:6

Sikhawmsele, â nâutir mi tla lungngamhtu Pathian nih chun Tita hawng fial hen hawng kan thlangamh rawh.

2 TIMOTHE 3:12

Asi, âuzawng Jisu Krist lakah Pathian sunhsak hen umtu zawng nih chun nehsawhnâk tla an tuar ber lai.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.