2 KORIN 4:8 - Bawm Common Language Bible Version

⁸ Khatlei khatlei ah nawktir hen kan um, sikhawmsele kan thaw a pit loh; lawksawng hen kan um le, sikhawmsele kan lung a dawng loh;

2 KORIN 4:8 ပူးပေါင်းရင်းမြစ်များ

SAM 129:2

“Ka mêttê thawk hen, ka mêlma tla nih fâk tak hen an ka nehsawh le, sikhawmsele an hawng ka neh loh.

SAM 37:33

Sikhawmsele, LALPA nih a mêlma thiltikhonâk lakah mi chu a kaltâk lai lo le, nik hen a um liau khawm ah a mawhtir lo.

THUFING LASUIBU 14:26

LALPA zah leh amah zumhtu chu amah leh a dâwngsung rangah himnâk asi.

THUFING LASUIBU 18:10

LALPA chu kulh bir hâwi asi le, a sinah mirep tla chu an kal hen an him kho.

ISAI 40:31

Sikhawmsele, ṭangpitu ding ah LALPA lakah â ngauh mi nih chun chaknâk thar a tawng lai. Mupi hâwi hen thla hen an zuang lai le; an tek lai le, an dî lai lo; an kal lai le, an uai lai lo.

HABAKUK 3:17

LALPA Pathian chu ka ruangsuahtu Pathian asi ruangah theipi tla rahlo hen, grep zûn tla chawrh lo hen, oliv rah tlawng hen, Phâisen ah fâng suak lo khawmsele,

JOHAN 14:18

“Ngâkṭah hen ka nan kaltâk na awtlo le, nan sinah ka hawng kal nawlh lai.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

2 KORIN 12:10

Churuangah, Krist ruangah chaklonâk tla ah, siatnâk tla ah zirhnâk tla, nehsawhnâk tla, vânduainâk tla ka lawmh tâwn; ka chak lo kip ah asi ka chak tâwn.

2 KORIN 6:12

Kanmah lakah hin tawrkhân hen nan um lo le, nanmah thinlung ah asi tawrkhân hen nan um dauh mi chu.

2 KORIN 6:4

Pathian rianṭuantu tla hâwi hen zei lak zawng ah mi lungnâ tla hen kan um dauh tâwn.

2 KORIN 7:5

Makedonia ram ka tlung khawm khan kan taksa nih lungngamnâk rerêng a nei lêm lo, khatlei khatlei ah chun hamhtir hen kan um dauh lehlam; leng leiah a sualnâk tla a um le, sung leiah ṭihnâk tla a um.

GALATIA 4:20

Asi, tuliau hin nan sinah um hen, ka aw-hâu dangtir ka duh zia bâk chu nanmah ruangah ka lawksawng asi.

1 SAMUEL 28:15

Samuel nih Saul sinah, “Zei rangah na ka nawktir hen zei rangah kîr ding hen na ka tuah?” a ti. Saul nih a sâng le, “Thungâi ka lawksawng! Philistia mi tla nih an hawng ka do le, Pathian khawm nih hawng ka kaltâk. Khuavâng leh mang hen khawm hawng ka sâng duh lo rawh. Churuang chun ka ti ding mi hawng ka simh ding hen nangmah kan kawh asi,” a ti.

1 SAMUEL 30:6

David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,

1 SAMUEL 31:4

A râlthuam puttu tlangvâl sinah, “Na nâmsâu phâwi le, hawng ka thah ko, Philistia pathian neilotu tla nih an ka thah hen anna khâwng lonâk ding hen,” a ti. Sikhawmsele tlangvâlpa nih ti ding a ṭih thlo. Churawhchun, Saul nih a nâmsâu a lâk le, amah â sunh thlap.