2 KORIN 4:6 - Bawm Common Language Bible Version

⁶ Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

2 KORIN 4:6 ပူးပေါင်းရင်းမြစ်များ

GENESIS 1:3

Churawhchun, Pathian nih, “Chêu hawng um rawh,” ti hen thu a pêk le, chêu chu a hawng um rawh.

SAM 63:2

Na rokual zia leh na chak zia na mun thenhlimh ah hawng ka muhtir.

SAM 74:16

Sûn leh zân na siam le; nî leh thlâ chu anmah mun ah na siah na;

SAM 90:16

Na to-aw tla hi na chaknâk hen thil na ti mi tla hawng kan muhtir le; kan thlâk tla chu na thiltikhonâk rokual zia muhtir na.

ISAI 35:2

Ramkaro chu lâwm hen la sak hen a âu lai le, Lebanon tlang â dawh mi hâwi leh Saron leh Karmel phâisen a ningno mi hâwi asi lai. Mikip nih LALPA lianh zia leh rokual zia leh thiltikhonâk an muh lai.

ISAI 40:5

Churawhchun, LALPA rokualnâk a hawng lang lai le, mi zawzawng nih an muh lai. LALPA amah tak nih hi hi a tiamh mi asi,” a ti.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 60:2

Phundang tla chu mûi nih a khuh pang lai le, Sikhawmsele nang tlûnah lam chun LALPA chêu a chêu lai le; A nan umpinâk chêu chu na sinah a um lai.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 11:40

Jisu nih a sinah, “Na lung chun Pathian rokual zia na muh lai, ka nan ti lo mazei?” a ti.

JOHAN 12:41

Isai nih a rokualnâk a muh le, a thâwngthâng a sim ruangah chubang thu chu a sim asi.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

1 KORIN 12:8

Mi pakhat sinah Thlarau ah chun finghnâk thu pêk asi; midang sinah chu Thlarau ber nih chun theihnâk thu pêk asi.

2 KORIN 2:10

Zei leikâng khawm hen mi nan ngaihdam mi zawng kei khawm nih ka ngaihdam bâk le;

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

EPHESI 1:18

Chun, nan thinlung mit tla deitir a um hen amah kawhnâk lungumnâk tla hen mi thenhlimh tla lakah chun a ro ting ding rokual chawng zia tla,

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

PHILIPI 2:6

Anih nih chun Pathian hâwi a um hen, Pathian tluk ah um chu thil uh tlâk ah a ruat lo le,

KOLOSA 1:15

Anih chu muh kho lo Pathian banghpi thilsiam zawzawng ngâk a sâng hen suak masa chem chu asi;

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 6:4

Chun, âuzawng a tlû rawh mi tla chu rim nawlh ding hen zeitin kîrtir nawlh kho an si lai? Veikhat chu thinlung fiangtir hen an um rawh. Chun, van thilpêk tem rawh hen Thlarau Thenhlimh vauh mi anna ting.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

2 PETER 1:19

Chun, khuavâng thusim, bir tak kan nei le, khua a hawng dei le, deirêl ârfi chu nan thinlung ah a hawng chêu lânlo chu khâwnvâr chêu, mi nih mûi ah an sunhsak hâwi hen nan sunhsak chun a ṭha asi.