2 KORIN 4:4 - Bawm Common Language Bible Version

⁴ Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

2 KORIN 4:4 ပူးပေါင်းရင်းမြစ်များ

1 Lal 22:22

LALPA nih, ‘Zei hawi hen?’ ti hen a deih. Thlarau nih a sâng le, ‘Ka va kal lai le, Ahab khuavâng tla chu âwkrâwl thu ka va simtir hep na lai,’ a ti. LALPA nih, ‘Va kal le, va perpet rawh ne, na ti kho lai,” a ti.

SAM 50:2

Zion khuapi rangtling leh dawh thawk hen Pathian chêu nih a cherh.

ISAI 6:10

Churawhchun, ka sinah, “Hi minung tla thinlung hi mawlâwttir, an nâ sêttir, an mit tla châwtir, an muh kho lo hen an theih kho lo hen, an theihthiam lonâk ding hen. Chu hâwi asi lo chun, keimah leiah an hawng a her lai le, damh an si lebang lai,” a ti.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

JOHAN 12:35

Chun, Jisu nih an sinah, “Chêu hi sâwtlotê nan lakah a um rih. Chêu nan nei kar hin kal u, mûi nih an tanh na lonâk ding hen; âuzawng mûi ah a kal mi nih chun, a kalnâk suankhân a theih lo.

JOHAN 12:40

“Amah nih an mit a chawtir le, an thinlung a changtir le; chu lo chun an mit hen an muh lai le, an thinlung hen an theih lai le, chun, anna her nawlh lai le, kei nih annih chu ka damh na lebang lai,” ti a sim nawlh ruang hin.

JOHAN 12:45

Âuzawng hawng ka muhtu chu hawng ka fialtu muh asi.

JOHAN 14:30

Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 15:24

Thil âukhawm ti dahlo mi tla an sinah ti lah sele, sual an nei lo ding mi; tu lam chu annih nih kei leh ka Pa hawng kan muh vevê rawh le, hua khawm hawng kan hua rawh asi.

JOHAN 16:11

lâirêl thu ah an mawh ti a theihtir lai, hi laikulh lal hi mawh hen a tlû rawh ruangah.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

THILTI 26:23

Kha hâwi hen Mesia nih hamhnâk a tuar ding leh mithi lakah mi a thawknawlh masa chem ding asi ti mi zawzawng sinah leh Phundang tla sinah khawm chêu muhtirtu asi lai, an ti mi thu kha,” a ti.

1 KORIN 10:20

Phundang tla bâwlnâk chu Pathian lakah mi asi lo le, khuri tla lakah anna bâwl tâwn asi ti ka sim mi asi. Nannih lam nih chun khuri tla nan bâwmpi ka nan duh piak na lo asi.

2 KORIN 2:11

kei khawm nih ka ngaihdam chia chu zeizawng ka ngaihdam rawh chun nanmah tla ruangah Krist mâika ah chun ka ngaihdam asi; chu lo chun Setan nih hawng kan sawhkhalh lebang lai; a ngamlêmnâk chu kan palh lêm lo dangâiah.

2 KORIN 2:12

Chun, Krist Thâwngthâng Ṭha sim ding hen Troas khua ka tlung liau khan Lalpa nih chun lampi hawng ka awng piak narêng hen ka unau tla chu ka muh lo ruangah ka thlarau leiah chun lungngamnâk rerêng ka nei lêm lo.

2 KORIN 3:11

A vei duaimâi mi men rokual hen a um chun um kumza ding mi chu rokual a tuam hen a um dauh khun ding asi.

2 KORIN 3:14

Tusûn tiang khawm ah thutiam li chu an rêl chun khuhnâk lîlâ chu lîm lo hen an um ko ruangah, chu khuhnâk chu Krist ah chun tlâulir hen a um rawh.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 6:12

Kan paihpi mi tla hi taksa leh thisen an si lo, lalnâk leh thuneihnâk tla leh hi thim tlûnah lâirêltu tla leh vân mun tla ah thlarau sual um mi tla an si dauh.

PHILIPI 2:6

Anih nih chun Pathian hâwi a um hen, Pathian tluk ah um chu thil uh tlâk ah a ruat lo le,

KOLOSA 1:15

Anih chu muh kho lo Pathian banghpi thilsiam zawzawng ngâk a sâng hen suak masa chem chu asi;

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

1 TIMOTHE 1:11

âwkrâwl a siatsirhtu tla, sawrtlâk Pathian Thâwngthâng Ṭha rokual sîntirnâk dik ka sinah kiltir mi hâwi silo hen, thil dang a um mi tla zawzawng rangah siam asi.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 6:4

Chun, âuzawng a tlû rawh mi tla chu rim nawlh ding hen zeitin kîrtir nawlh kho an si lai? Veikhat chu thinlung fiangtir hen an um rawh. Chun, van thilpêk tem rawh hen Thlarau Thenhlimh vauh mi anna ting.

2 PETER 1:19

Chun, khuavâng thusim, bir tak kan nei le, khua a hawng dei le, deirêl ârfi chu nan thinlung ah a hawng chêu lânlo chu khâwnvâr chêu, mi nih mûi ah an sunhsak hâwi hen nan sunhsak chun a ṭha asi.

1 JOHAN 2:11

Mah unau huatu lam chu mûi ah a um le, mûi ah a kal asi, mûi nih a mit a châwtir rawh ruangah a kalnâk ding a theih lo asi.

1 JOHAN 2:8

Sikhawmsele thupêk thar rîn hâwi khawm kasi, chu chu Jisu Krist lakah leh nanmah lakah a lang asi, chêu tatak chu tuah a hawng chêu rawh ruangah mûi chu a vei liau chir asi.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.