2 KORIN 4:2 - Bawm Common Language Bible Version

² thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

2 KORIN 4:2 ပူးပေါင်းရင်းမြစ်များ

1 Lal 18:34

“Tawih nawlh u,” a ti na le, an tawih nawlh. “Veikhat tawih nawlh u rih,” a ti na le, an tawih nawlh.

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

ROM 6:21

Tuah nan thil zahpi mi lakah hin, kha liau khan rah zei me nan tawng tâwn? Khabang thu dawnghnâk kha thihnâk asi tâwn asi.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

2 KORIN 11:6

Thusim leikângah lam chun hawlh mangdân thiam lah khawmsele theihnâk ah chun chu hâwi kasi lo; zeizawng ah mi zawzawng lakah nanmah leiah kan langhtir kha.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

2 KORIN 5:11

Chun Lalpa ṭihnâk dân theih hen minung tla chu kan lêm tâwn le, Pathian sinah lam chun langhtir hen kan um tâwn; nanmah sia leh ṭha theihnâk ah khawm langhtir hen kan um ka lungum.

2 KORIN 6:8

rokualnâk leh chawnglawh lonâk hen, min simsiat leh min simṭhat hen, perpettu hâwi hen, mi dik tak si ṭung hen,

2 KORIN 7:14

A sinah zei leikâng khawm ah nanmah tla an putso na khawmsele ka mualpho lo; mualpho ngangâk hen zeizawng nan sinah thu tatak kan sim tâwn hâwi khan Tita mâika ah kan putso mi chu thu tatak a hawng si taktê.

EPHESI 4:14

fing perpet a minung perpet bû hen, sîntirnâk thli kip nih khatlei khatlei ah vawrh leh ranh mi ngâksia kan si lai lo rawh le,

EPHESI 5:12

a thup hen thil ti tâwn tla chu a sim khawm ningzâk a kâi ruangah.