2 KORIN 4:16 - Bawm Common Language Bible Version

¹⁶ Churuang chun kan duai lo le, kan lênglei minung hi hawng rawp dadauh khawmsele kan sunglei minung chu nisiar siamthar vima hen a um dauh asi.

2 KORIN 4:16 ပူးပေါင်းရင်းမြစ်များ

SAM 119:81

LALPA, ruang na ka suah ding mi ngâk hen ka dî thlo; na thu ah chun zumhnâk ka nei.

SAM 27:13

Tuliau san ah hin LALPA ṭhatnâk chu muh ding hen ka dam lai ti ka theih.

SAM 51:10

Pathian, ka lakah thinlung thenhlimh siam le, thlarau dik leh thar ka lakah siah.

SAM 73:26

Ka thinlung leh ka taksa hi chak lo khawmsele, Pathian chu ka chaknâk asi; zeiliau zawng ah ka herh kumza mi chu.

ISAI 40:29

Mi chaklo leh mi dî tla chu chaknâk a pêk na.

ISAI 40:31

Sikhawmsele, ṭangpitu ding ah LALPA lakah â ngauh mi nih chun chaknâk thar a tawng lai. Mupi hâwi hen thla hen an zuang lai le; an tek lai le, an dî lai lo; an kal lai le, an uai lai lo.

JEREMIA 45:3

“Baruk, ka neng rawh! LALPA nih ka lawksawngnâk hawng ka sap piak. Rûm ka neng rawh, dinhnâk khawm ka tawng kho lo!’ na ti.

LUK 11:3

Ni siar hen kan ei khawp hen buh hawng kan pêk,

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

ROM 7:22

Ka thinlung tak hen Pathian dân lakah ka lâwm tâwn.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

2 KORIN 12:15

Chun kei lam nih chun nan thlarau rangah lâwm tak hen ka mang dih lai le, mang dih hep hen ka um lai. A leiluat hen ka nan zângfah na ruang khan; kei nih zângfahnâk tâwm dauh ka tawng phah asi mu?

2 KORIN 4:1

Churuangah chun zângfahnâk kan tawng hâwi vima hen rianṭuannâk hi kan nei ruangah kan duai lo;

EPHESI 4:23

nan thinlung thlarau ah chun a thar hen hawng um ule,

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;

TITA 3:5

thil rep tak hen ti mi, kanmah ngelchel nih ti mi tla chu, chu ruang silo hen, siamtharnâk ṭâwlnâk leh Thlarau Thenhlimh siamthar nawlhnâk nih chun a zângfahnâk hâwi vima hen ruang hawng kan suah rawh.

1 PETER 3:4

Chu ngâk hen chun nan sunglei diknâk tel sih hen, Pathian mitmuh ah sung tak, thlarau nunnêmnâk leh lungngamnâk dawhnâk hen thuam si dauh seh.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.