2 KORIN 4:12 - Bawm Common Language Bible Version

¹² Chun, kanmah lakah hin thihnâk nih a ṭuan tâwn le, nannih lakah lam chun nungnâk nih a ṭuan dauh tâwn asi.

2 KORIN 4:12 ပူးပေါင်းရင်းမြစ်များ

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

1 KORIN 4:10

Kannih lam chu Krist ruangah mi â kan si, nannih lam chu Krist ah mi fing nan si dauh. Kannih lam chu kan chak lo le, nannih lam chu nan chak, nannih lam chu mi chawnglawmh hen nan um le, kannih lam chu mi zauhnawmh hen kan um asi.

2 KORIN 12:15

Chun kei lam nih chun nan thlarau rangah lâwm tak hen ka mang dih lai le, mang dih hep hen ka um lai. A leiluat hen ka nan zângfah na ruang khan; kei nih zângfahnâk tâwm dauh ka tawng phah asi mu?

2 KORIN 13:9

Kannih kan chak lo liau khawm ah nannih nan chak chun kanna lâwm tâwn asi; hi hi kan deih tâwn; nanmah ṭhat rangtlingnâk hi.

2 KORIN 4:11

Kannih dam hen um mi tla hi Jisu ruangah thi ding ah tleihtir hen kan um kumza, Jisu nungnâk khawm kan taksa thi kho ah hin a langh khonâk ding hen.

2 KORIN 4:13

Sikhawmsele, “Ka lung le, churuangah thu ka sim asi,” ti rîn hâwi khan, chu lungnâk thinlung tak chu put hen kannih khawm nih kan lung bâk le, churuangah thu kan sim le,

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

PHILIPI 2:30

nan tlawmh-belhnâk a tinh mi mabân chu pehpârnâk ding hen thih ûi lo a ti hen, Krist rianṭuannâk ruangah thi viviar hen a hawng um rawh dangâiah.

1 JOHAN 3:16

Hi lak hin zângfahnâk chu zei me asi ti kan theih, Krist nih kan rangah a nungnâk hawng kan pêk mi lak hin, kannih khawm nih unau tla rangah kan nungnâk kan pêk bâk ding asi.