2 KORIN 3:8 - Bawm Common Language Bible Version

⁸ Thlarau rianṭuannâk chu zei hâwi tluk a rokual hen dek a hawng tlung lai!

2 KORIN 3:8 ပူးပေါင်းရင်းမြစ်များ

ISAI 11:2

LALPA thlarau nih finghnâk a pêk lai le, a mi tla lâirêl ding hen theihnâk leh thiamnâk a pêk lai. LALPA duhzia a theih hen a zah lai,

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 59:21

Nan sinah thudântuk ka siam asi: Nan tâ si kumza ding hen ka thiltikhonâk leh sîntirnâk ka nan pêk na, tu thawk hen ka thu tla nan zâwt hen, nan fa tla leh nan thlâk tla tik a hawng um ding mi zawzawng lakah zûl kumza ding hen sîntir na u,” a ti.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 7:39

Chu thu chu a zumhtu tla nih Thlarau an nei ding thu a sim asi; Thlarau chu pêk asi lo rih, Jisu chu chawnglawmh hen a um lo rih ruangah.

1 KORIN 3:16

Pathian in nan si ti leh Pathian Thlarau nanmah lakah a um kumza ti nan theih lo mazei?

2 KORIN 11:4

Kannih nih a thu kan sim le, nan pawm mi, thlarau leh thâwngthâng ṭha silo hen kan sin thawk hen nanna ting mi thlarau leh thâwngthâng ṭha hen a dang ving mi Jisu dang thu simtu âuzawng thungâi nan sâithiam ruangah.

2 KORIN 3:17

Chun, Lalpa chu Thlarau asi le, Lalpa Thlarau umnâk kip ah thawsuaknâk a um tâwn.

2 KORIN 3:6

Amah ber nih chun thutiam rianṭuantu ah hawng kan tlinhtir le, a lasui thu ko ah rianṭuantu si lo hen, a thlarau rianṭuantu ah asi dauh. A lasui thu ko nih chun a thah tâwn lo, thlarau lam nih chun a nungtir tâwn asi.

2 KORIN 3:7

Mosi mêl a rokual ruangah Israel fa tla nih chun a mêl an zauh kho lo le, chu rokualnâk chu a vei duaimâi, thihnâk rianṭuannâk lung ah hawrawp a ṭialh mi men chu hâwi tluk a rokual hen a tlung chun,

2 KORIN 3:9

Mawhtirnâk rianṭuan men a rokual chun repnâk rianṭuannâk chu rokualnâk leikângah chun thungâi a fâk dauh ding asi.

GALATIA 3:14

Chun, Abraham rangah malsâwmnâk chu Krist Jisu ah Phundang tla tlûnah a hawng um kho lai le, chun lungnâk ruangah Thlarau tiamh chu kan tawng kho lai.

GALATIA 5:5

Kannih nih chun Thlarau zârah lungnâk hen repnâk lungumnâk kan ngâk ruangah.

EPHESI 2:18

Krist zârah Thlarau munkhat ah Pa sinah, Juda leh Phundang nih lût khonâk kan nei vevê asi.

2 THESALONIKA 2:13

Lalpa ah unau duhtak le tla, Thlarau ah Thenhlimhtir mi leh thudik lung hen, ruangsuah a um ding hen a tîr thawk hen Pathian nih a nan thîm na ruangah nan dân thu hin Pathian sinah lawmthu sim kumza ding rêng kan si.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.