2 KORIN 3:3 - Bawm Common Language Bible Version

³ Krist lasui, kanmah tla hawng kan rîntir mi, mângsi hâng hen rîn si lo mi, Pathian nung Thlarau a rîn dauh, lungtlêp ah rîn silo, taksa thinlung tlêp ah rîn mi chu nan si ti fiang tak a langhtir asi.

2 KORIN 3:3 ပူးပေါင်းရင်းမြစ်များ

SAM 40:8

Ka Pathian na duhzia thilti chu ka duh a! Na sîntirnâk chu ka thinlung ah ka kil,” ti hen ka sâng.

SAM 42:2

Nangmah Pathian duh hen ka tî a hâl; zei tikah na mâika ah hawng hen ka nan sawnh kho lai?

SAM 84:2

Chunah um chu ka duh a! LALPA Biakin ah um ka ngâi. Pathian nung sinah ka pumpiluk hen la ka sak.

EXODUS 24:12

LALPA nih Mosi sinah, “Tlângah ka sinah hawng kâi le, hinah na um karah Israel mi tla sîntir na ding ah lungtlêp panih lakah dân tla rîn mi ka nan pêk lai,” a ti.

EXODUS 31:18

Pathian nih Sinai Tlângah Mosi sinah thu a sim mi chu â lîm rawh chun, amah Pathian ngelchel nih a rîn mi lungtlêp panih lakah thupêk rîn mi tla chu Mosi sinah a pêk rawh.

EXODUS 32:15

Mosi tlâng tlûnah mi chu a va ṭum le, thupêk rînnâk lungtlêp panih chu a put.

EXODUS 34:1

LALPA nih Mosi sinah “A lân hâwitê hen lungtlêp panih siam le, a lânah na khuai mi lungtlêp lakah thu a um mi tê kha Ka rîn nawlh lai.

THUFING LASUIBU 3:3

Rinhtlâk sinâk leh zumhkâinâk thlah rîlmâl lah, na ngâwng ah a awih le; na thinlung ah rîn.

THUFING LASUIBU 7:3

Ka nan sîntir mi tla chu zeiliau zawng tleih le, na thinlung ah rîn.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

JEREMIA 17:1

LALPA nih, “Juda mi tla, nan sualnâk chu thîr kâwnglâwng fung hen rîn asi le; nan thinlung ah leh nan mâichâm ki ah lungsung zum hen ker si.

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

EZEKIEL 11:19

Thinlung thar leh dawnruatnâk thar ka pêk na lai. An thinlung ê-aw ngâilonâk lung hâwi hen a chang mi chu ka lawnh piak na lai le, thinlung ê-aw ngâinâk ka pêk na lai.

DANIAL 6:26

Ka ram pumpi sungah mikip nih Danial Pathian ṭih leh zah ding hen thu kan pêk na. “Anih chu Pathian nung asi le, lâi a rêl kumza lai. A ram chu a vei lai lo le, a thiltikhonâk nih dawngh a nei lai lo.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

1 KORIN 3:5

Apolo chu zei me asi? Pawl khawm chu zei me asi? Rianṭuantu nanmah tla a nan lungtir natu cho an si, chu khawm chu Lalpa nih a pêk na vevê mi hâwi vima asi.

2 KORIN 3:6

Amah ber nih chun thutiam rianṭuantu ah hawng kan tlinhtir le, a lasui thu ko ah rianṭuantu si lo hen, a thlarau rianṭuantu ah asi dauh. A lasui thu ko nih chun a thah tâwn lo, thlarau lam nih chun a nungtir tâwn asi.

2 KORIN 3:7

Mosi mêl a rokual ruangah Israel fa tla nih chun a mêl an zauh kho lo le, chu rokualnâk chu a vei duaimâi, thihnâk rianṭuannâk lung ah hawrawp a ṭialh mi men chu hâwi tluk a rokual hen a tlung chun,

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

HEBRAI 10:16

A masa chem hen: “Chubang ni tla nûnah chun an sinah thudân ka tuk ding mi chu hi hi asi, Lalpa nih a ti: An thinlung ah ka thupêk tla ka siah lai le, an dawnruatnâk tla ah ka rîn lai,” ti hen a sim.

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.

THUPHUANG 2:1

“Ephesi khua mi kawhmi vânmifial sinah chun rîn rawh: “A kut vawrhlei ah ârfi pasarih put hen, ngûn meichêu pasarih kiangah â zî lemang mi nih khan hi bang thu hi a sim asi.

THUPHUANG 2:12

“Chun, Pergamos khua kawhmi, vânmifial sinah chun rîn rawh: “Nâmsâu hâr nih nei mi nih khan hi bang thu hi a sim asi.

THUPHUANG 2:18

“Chun, Thiatira khua kawhmi vânmifial sinah chun rîn rawh: “Pathian Fapa, a mit meialh hâwi mi, a kezaphah tla dâr hâwi a tlêu mi nih khan hi thu hi a sim asi.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 3:1

“Sardis khua kawhmi vânmifial sinah chun rîn rawh: “Pathian Thlarau pasarih leh ârfi pasarih neitu nih khan hi thu hi a sim asi: Na thilti tla chu ka theih, thi ko bû hen nung min na put mi hi ka theih asi.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 3:22

“Thlarau nih kawhmi tla sinah thu a sim mi hi nâ a nei mi nih chun theih na seh, a ti” ti hen.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.