2 KORIN 3:1 - Bawm Common Language Bible Version

¹ Mah a simṭhat kan dawmh awt nawlh fâwn mu? Asi lo leh, nan sinah pêk ding mawh nan sinah thawk hen mawh siamṭhatnâk lasui mi zeimaw mi rangah a herh hâwi hen kan rangah a herh awt bâk ma?

2 KORIN 3:1 ပူးပေါင်းရင်းမြစ်များ

THILTI 18:27

Chun, anih nih chun Akaia ram ah lan ding a tum kâ hen unau tla nih an fawrh le, amah an lawmhnâk ding hen ṭhiruai tla sinah lasui an rîn piak le, chun a tlung rawh chun Pathian zângfahnâk ruangah lungtu tla chu thungâi a ṭangpi na.

ROM 16:1

Kan farnu Phoibi Kenkria khua ah kawhmi rianṭuantu hi, Lalpa min hen mi thenhlimh tla hâwi ber hen nan hawng lawmh ding

1 KORIN 16:3

Chun, nan zângfah thilpêk chu Jerusalem khua ah kalpi ding hen ka hawng tleng tikah âu tal ṭha nan ti mi zawng lasui put hen ka fial hi.

1 KORIN 3:10

Pathian nih zângfahnâk hawng ka pêk mi mang hen in sak thiam mi rian ka ṭuan le, lungphûm ka phûm, midang nih a tlûnah in an sak. Sikhawmsele, mikip a tlûnah an sak zia ding mi lakah a thiamthih chiau na seh.

1 KORIN 4:15

Krist lakah chun sîntirtu sîngkhat nei khawm ule, pa lam chu tam tak nan nei lo asi; kei nih Krist Jisu ah chun Thâwngthâng Ṭha hen ka nan ring na kha.

2 KORIN 10:12

Zeimaw mi nih mah a simṭhat mi lakah chun kanna telhsih ngam lo, anmah tla hen khawm kanna tahṭhimh ngam lo; sikhawmsele, annih lam chu mah leh mah tah hen, mah leh mah a tahṭhimh hen thinlung nei lo hen an um.

2 KORIN 10:18

Mah simṭhat nih chun sawr a lawh lo le, Lalpa nih a simṭhat mi chu sawr a lawh dauh asi.

2 KORIN 10:8

Kan thuneihnâk nanmah siatnâk ding silo hen nanmah siamṭhatnâk ding dauh hen Lalpa nih hawng kan pêk mi hi a putso khun khawmsele ka mualpho awtlo le,

2 KORIN 12:11

Ka â rawh ma hi– nannih nih â lo kho lo hen nan hawng ka siam asi. Kei chu nanmah nih nan hawng ka chawnglawmh ding mi kasi, zeikhawm silah khawmsele zei leikâng khawm ah mifial lian chem tla sinah ka niam dauh lêm lo.

2 KORIN 12:19

Tu kar lakah hin nanmah tla sinah kan diknâk thu sim hen hawng kan ruat asi dahmawh. Krist ah chun Pathian mitmuh ah asi thu kan sim mi chu. Sikhawmsele, duhtak tla, zeizawng nanmah siamṭhatnâk ding asi.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

2 KORIN 5:12

Nan sinah kanna simṭhat nawlh mi asi lo le, thinlung lei silo hen, langngân ko hen putsotu tla chu zeitin mawh sângnâk ding nan theih khonâk ding hen, kanmah leiah putso san an siam na hen kan sim dauh asi.