2 KORIN 2:3 - Bawm Common Language Bible Version

³ Churuangah asi, kha lasuikuat kha nan sinah ka rîn mi kha, hawng ka lawmhtirtu mi zapi tla ber kan ngaihsiattir na ding hen nan sinah ka hawng kal ding hen ka duh lo; ka lâwmnâk chu nan ektê lâwmnâk asi ti ka theih ruangah.

2 KORIN 2:3 ပူးပေါင်းရင်းမြစ်များ

1 KORIN 4:21

Zei me nan duh dauh? Vuakfung hen ma nan sinah ka hawng kal lai, dâwtnâk leh dawnhkhonâk thinlung put hen ma?

2 KORIN 1:15

Chun, chu lungnâk nei hen, malsâwmnâk letnih nan tawng khonâk ding hen nan sinah hawng masa sele, nanmah tla pal pah hen.

2 KORIN 1:23

Sikhawmsele, ka thlarau lakah theihtu rangah Pathian ka kawh asi, nanmah tla a nan zuah na ding hen asi Korin khua ah ka hawng kal lo mi kha.

2 KORIN 12:11

Ka â rawh ma hi– nannih nih â lo kho lo hen nan hawng ka siam asi. Kei chu nanmah nih nan hawng ka chawnglawmh ding mi kasi, zeikhawm silah khawmsele zei leikâng khawm ah mifial lian chem tla sinah ka niam dauh lêm lo.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

2 KORIN 13:10

Churuang chun râwk ding silo hen siamṭhat ding dauh hen Lalpa nih thuneihnâk a hawng ka pêk hâwi vima hen nan sinah ka um tikah fâk tak hen nun kan simh na lo ding hen nan sinah ka um lo liau hin hi bang thu hi ka rîn asi.

2 KORIN 2:9

Hi ruang khawm hin ka rîn asi, zeizawng lakah thu nan ngâi leh ngâilo ka nan nik na kho ding hen.

2 KORIN 7:12

Chun nan sinah rîn khawmsele a sualtu ruangah khan ka rîn lo le, a sual tuartu ruangah ka rîn lêm lo, kan tlûnah ṭhanemsemsê nan ngâi zia Pathian mitmuh ah nan sinah theihtir hen a um khonâk ding hen ka rîn mi asi dauh.

2 KORIN 7:16

Zei leikâng zawng ah nan tlûnah ka lungngam ruangah kâ lâwm asi.

2 KORIN 7:6

Sikhawmsele, â nâutir mi tla lungngamhtu Pathian nih chun Tita hawng fial hen hawng kan thlangamh rawh.

2 KORIN 7:8

Ka lasuikuat nih khan an ngaihsiattir na khawmsele ka sîr lo rawh; a tîr lam chun ka sîr asi, kha lasuikuat nih khan a nan ngaihsiattir na ti ka theih ruangah; sikhawmsele, sâwtlotê cho asi kha.

2 KORIN 8:22

Chun, an sinah kan unaupa kan kaltir awt bâk le, anih chu kâng tam tak ah ṭhanemsemsê ngâi tak asi ti vei tam tak kan nik rawh le, tu lam châng chun thungâi an zumh na ruangah ṭhanemsemsê a ngâi dauh khun rawh asi.

GALATIA 5:10

Thil dangpi ah nan ngaih lai lo ti Lalpa lakah chun kei nih chun ka nan ruat na; sikhawmsele a nan nawktir natu chu âutal si sele a tlûnah thu tlû ding mi chu a tuar lai.

2 THESALONIKA 3:4

Thu kan pêk na mi kha nan zâwt tâwn hen, nan zâwt vima ding hen Lalpa lakah kan zumh na asi.

PHILEMON 1:21

Ka sim mi ngâk a fâk dauh hen na ti lai ti ka theih ruangah rem na ti lai ti ruat hen na sinah ka hawng rîn asi hi.