2 KORIN 13:9 - Bawm Common Language Bible Version

⁹ Kannih kan chak lo liau khawm ah nannih nan chak chun kanna lâwm tâwn asi; hi hi kan deih tâwn; nanmah ṭhat rangtlingnâk hi.

2 KORIN 13:9 ပူးပေါင်းရင်းမြစ်များ

ROM 15:2

An ṭhatnâk ding hen mah zâwlbâwm tla lawmhtir cho si lo hen Thlarau ah ṭhanglian tir na kan tum chiau lai.

1 KORIN 1:10

Chun, unau le tla, nan ektê hen thu bang cho nan sim hen, nan lakah ṭhennâk rêng a um lonâk ding hen, thinlung munkhat leh dawnruatnâk munkhat hen nanna tlâi thlir khonâk ding hen kan Lalpa Jisu Krist min hen ka nan ngiar na.

1 KORIN 2:3

Chun, chak lo leh ṭih hen, thungâi thir bû hen nan lakah ka um.

1 KORIN 4:10

Kannih lam chu Krist ruangah mi â kan si, nannih lam chu Krist ah mi fing nan si dauh. Kannih lam chu kan chak lo le, nannih lam chu nan chak, nannih lam chu mi chawnglawmh hen nan um le, kannih lam chu mi zauhnawmh hen kan um asi.

2 KORIN 11:30

Putso ding kasi ṭung chun ka chaklonâk lei thil tla asi ka putso awt.

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

2 KORIN 13:4

Anih chu chaklonâk ruangah khenhbêk hen a um asi, sikhawmsele Pathian thiltikhonâk ruangah a nung rerêng rawh. Kannih khawm amah lakah chun kan chak lo asi, sikhawmsele nanmah leiah Pathian thiltikhonâk ruangah a sinah kan nung bâk lai.

2 KORIN 4:12

Chun, kanmah lakah hin thihnâk nih a ṭuan tâwn le, nannih lakah lam chun nungnâk nih a ṭuan dauh tâwn asi.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

KOLOSA 1:28

mikip Krist ah chun ṭha rangtling a kan dîr khonâk ding hen, mikip simhfâi hen, mikip finghnâk kip a sîntir hen a thâwngthâng kan sim tâwn mi hi,

KOLOSA 4:12

Epaphra nanmah lakah mi, Krist Jisu to-aw nih hin chibai a nan bûk na. Anih nih chun Pathian duhzia zawng upat leh lung thlirnâk nei hen nan dîr khonâk ding hen a thlachamnâk tla ah chun nanmah tla rangah â ṭang kumza tâwn asi.

1 THESALONIKA 3:10

a sûn a zân hen thungâi tak a thlacham hen, kan Pathian mâika ah nan lakah kanna lâwmnâk zawzawng ruang hin nanmah leikâng thu ah Pathian sinah zei lâwmthu me kan sim rûl kho bâk lai aw?

2 TIMOTHE 3:17

Pathian mi chu rian ṭha kip ṭuan ding hen kim tak hen thuamh hen a rangtling khonâk ding hen.

HEBRAI 12:23

Vân ah an min rîn hen an um mi Pathian fa tîr tla pumhnâk lawmhkâi takah nan hawng tleng rawh. Mi zawzawng lâirêltu leh mirep thlarau tla rangtling hen siamtu Pathian sinah nan hawng tleng rawh.

HEBRAI 13:21

Jisu Krist zârah amah duhzia ti ding leh amah lawmhtirtu ah um ding hen thlangamhtu Pathian nih chun thil ṭha nan duh mi zawzawng an pêk na seh. Jisu Krist sinah rokualnak zungzâl hen um seh! Amen.

HEBRAI 6:1

Krist thu dawmhtîrnâk sim lo rawh hen, upat lei kan fûk lai rawh, rianṭuannâk mangtlâklo tla leh Pathian leikângah lungnâk tla,

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.