2 KORIN 13:7 - Bawm Common Language Bible Version

⁷ Chun, thil rerêng nan suallonâk ding hen Pathian sinah ka deih tâwn le, chu chu kannih hi lawmhkâi hen kan lang khonâk ding asi lo le, nannih nih â dawh mi zawng nan ti khonâk ding hen asi dauh, kannih chu duh lo hâwi hen um khawmsele.

2 KORIN 13:7 ပူးပေါင်းရင်းမြစ်များ

1 CHRONICLES 4:10

Jabez nih Israel Pathian sinah thla a cham le, “Pathian, mal hawng ka sâwm le, ram tam tak hawng ka pêk. Nganfâk hawng ka pêktu ding mi sualnâk zeizawng lakah hawng ka vêng le, ka sinah um rawh,” ti hen. A deih mi hâwi hen Pathian nih a pêk.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

JOHAN 17:15

Nangnih annih chu laikulh ah mi lâk ding hen ngiar kasi lo le, Misual pa lakah na hum ding ka ti dauh asi.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 12:17

Âu sual khawm sual hen rulh lah u. Mi zawzawng ngaih hen thil dawh ruatkan u.

ROM 13:13

Sûn ah um hâwi hen dawh tak hen kan um lai, zû din nawk leh zû rî a um lo hen, hur leh a duh a um lo hen, sual leh a nahsuah a um lo hen.

ROM 16:10

Krist lakah mi tak, Apelis kha chibai hawng ka bûk piak u. Aristobulas dâwngsung tla lakah mi kha chibai hawng ka bûk piak u.

1 KORIN 11:19

Nan lakah a tak tak tla chu an lang khonâk ding hen nan lakah lungnâk dang a um ding rerêng asi.

2 KORIN 10:10

A lasuikuat tla chu a rit hen a khauh le, a taksa lei lam chu a nêmno le, a hawlh khawm sik a kâi asi,” an ti dangâiah.

2 KORIN 10:18

Mah simṭhat nih chun sawr a lawh lo le, Lalpa nih a simṭhat mi chu sawr a lawh dauh asi.

2 KORIN 13:6

Kannih chu duh lo hen kan um lo ti nan theih lai rih ti ka ruat.

2 KORIN 13:8

Thudik ṭanh ding lo chun thudik lo ding hen zeikhawm kan ti kho lo asi.

2 KORIN 13:9

Kannih kan chak lo liau khawm ah nannih nan chak chun kanna lâwm tâwn asi; hi hi kan deih tâwn; nanmah ṭhat rangtlingnâk hi.

2 KORIN 6:4

Pathian rianṭuantu tla hâwi hen zei lak zawng ah mi lungnâ tla hen kan um dauh tâwn.

2 KORIN 8:21

Lalpa ngaihnâk cho ah silo hen minung ngaihnâk khawm ah thil dawh kan ruatkan tâwn asi.

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

1 THESALONIKA 5:23

Chun remnâk Pathian tak nih nan pum hen an thenhlimhtir na seh; chun, nan thlarau leh nan thinlung leh nan taksa chu kan Lalpa Jisu Krist a hawng kal tik chun simsâwi kawplo hen a pum hen hum hen um seh.

1 TIMOTHE 2:2

Lal tla leh thuneitu tla zawzawng rangah khawm Pathian sunhsak leh zahkâi tak a rem leh lungngam hen kan um khonâk ding hen.

2 TIMOTHE 2:15

Rianṭuantu thu dik thu rep tak hen mangtu chu ningzak ding asi lo hâwi hen, Pathian ngaih hen ṭha hâwi a langhtir ding hen semsêngâi rawh.

2 TIMOTHE 4:18

Lalpa nih chun sualnâk zawzawng lakah mi a ka suah lai le, a vân ram ah him tak hen hawng ka tlunh lai, amah chu zungzâl hen rokual hen um seh. Amen.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.