2 KORIN 13:4 - Bawm Common Language Bible Version

⁴ Anih chu chaklonâk ruangah khenhbêk hen a um asi, sikhawmsele Pathian thiltikhonâk ruangah a nung rerêng rawh. Kannih khawm amah lakah chun kan chak lo asi, sikhawmsele nanmah leiah Pathian thiltikhonâk ruangah a sinah kan nung bâk lai.

2 KORIN 13:4 ပူးပေါင်းရင်းမြစ်များ

JOHAN 10:18

Âukhawm nih ka sinah mi an lâk kho lai loh, keimah thu thu hen ka pêk awt asi. Pêk kho kasi, lâk nawlh kho khawm kasi. Hi thupêk hi ka Pa thawk hen ka tawng asi,” a ti.

THILTI 2:36

“Chun, Jisu nan khenhbêk mi ngelchel kha Pathian nih Lal leh Mesia si hen a siam rawh ti Israel phun kip nih theih chiau seh,” a ti.

THILTI 3:16

Chun, amah min lung ruangah a min hen chun hi minung nan muh leh nan theih mi hi a chaktir rawh asi; chun amah ruangah lungnâk a hawng um mi nih chun nan ektê mitmuh ah a damtir ver asi.

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

ROM 14:9

Krist thihnâk leh a hawng nung nawlhnâk san chu, minung leh mithi Lalpa asi khonâk hi asi.

ROM 6:4

Churuangah, a thihnâk ah baptis kan si chun a sinah phûm bâk hen kan um; Pa rokualnâk nih mithi lakah mi Krist a thawh hâwi hen khan, kannih khawm nungnâk thar a kan um khonâk ding hen.

1 KORIN 1:25

Pathian âtnâk chu minung finghnâk ngâk hen a fing dauh, Pathian chaklonâk khawm chu minung chaknâk ngâk hen a chak dauh.

1 KORIN 15:43

Chak lo a tuh hen a um le, thiltikhonâk nei a thawh hen a um.

1 KORIN 2:3

Chun, chak lo leh ṭih hen, thungâi thir bû hen nan lakah ka um.

1 KORIN 6:14

Chun, Pathian nih Lalpa chu a thawh le, kannih khawm a thiltikhonâk hen hawng kan thawh bâk lai.

2 KORIN 10:10

A lasuikuat tla chu a rit hen a khauh le, a taksa lei lam chu a nêmno le, a hawlh khawm sik a kâi asi,” an ti dangâiah.

2 KORIN 12:10

Churuangah, Krist ruangah chaklonâk tla ah, siatnâk tla ah zirhnâk tla, nehsawhnâk tla, vânduainâk tla ka lawmh tâwn; ka chak lo kip ah asi ka chak tâwn.

2 KORIN 13:9

Kannih kan chak lo liau khawm ah nannih nan chak chun kanna lâwm tâwn asi; hi hi kan deih tâwn; nanmah ṭhat rangtlingnâk hi.

PHILIPI 3:10

a thihnâk va bangh a thi hen, amah hen a thawknawlhnâk thiltikhonâk hen, a tuarnâk tla bâwmpinâk hen, ka theih khonâk ding hen;

HEBRAI 5:7

Jisu chu tual ah a um liau tla ah khan thihnâk lakah amah sansuah khotu Pathian sinah fâk tak hen âu leh mitthli tlâ rê bû hen thlachamnâk leh ngiarnâk tla a ap le, nâu tak hen â pêknâk ruangah Pathian nih a ngâi piak.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 PETER 3:22

Jisu chu vân ah kal hen Pathian vawrhlei ah a to rawh. Vânmifial zawzawng tla leh vân ah thuneitu tla leh thiltikhonâk tla tlûnah lâi a rêl.