2 KORIN 12:9 - Bawm Common Language Bible Version

⁹ Chun, anih nih chun ka sinah, “Ka zângfahnâk na rangah â tâwk; ka thiltikhonâk hi chaklonâk ah asi rangtlingtir hen a um mi chu,” a ti rawh. Chun, Krist thiltikhonâk chu ka tlûnah a um khonâk ding hen lâwm tak hen ka chaklonâk tla hi ka putso dauh lai.

2 KORIN 12:9 ပူးပေါင်းရင်းမြစ်များ

2 Lal 2:15

Jeriko khua mi khuavâng sâwmnga tla nih Elisa chu an muh le, “Elija thiltikhonâk chu Elisa sinah a um ving rawh,” an ti. Amah va tawng ding hen an kal le, mâi an mûk.

SAM 8:2

Chu chu ngâksia leh fasêm tla nih an sak mi asi. Na mêlma zawzawng lakah him tak leh thlangam tak hen na um le; A nan dotu zawng chu na bângtir.

ISAI 11:2

LALPA thlarau nih finghnâk a pêk lai le, a mi tla lâirêl ding hen theihnâk leh thiamnâk a pêk lai. LALPA duhzia a theih hen a zah lai,

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

LUK 21:15

nan mêlma zawzawng an kham na hen an êl kho lo na nâk ding hen thu leh finghnâk ka nan pêk na awt ruangah.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

1 KORIN 2:3

Chun, chak lo leh ṭih hen, thungâi thir bû hen nan lakah ka um.

1 KORIN 2:5

ka hawlhkâ suak leh ka thusim tla chu thufing hen lêmnâk thu asi lo le, Pathian thlarau leh thiltikhonâk theihtir hen asi dauh kha.

2 KORIN 11:30

Putso ding kasi ṭung chun ka chaklonâk lei thil tla asi ka putso awt.

2 KORIN 12:1

Ka putso ding rerêng asi. Ṭha lam chu a ṭhalo, sikhawmsele Pathian sinah mi langhnâk leh theihtirnâk thu ka sim sih vima lai.

2 KORIN 12:10

Churuangah, Krist ruangah chaklonâk tla ah, siatnâk tla ah zirhnâk tla, nehsawhnâk tla, vânduainâk tla ka lawmh tâwn; ka chak lo kip ah asi ka chak tâwn.

2 KORIN 12:15

Chun kei lam nih chun nan thlarau rangah lâwm tak hen ka mang dih lai le, mang dih hep hen ka um lai. A leiluat hen ka nan zângfah na ruang khan; kei nih zângfahnâk tâwm dauh ka tawng phah asi mu?

2 KORIN 12:5

Hi hâwi mi minung chu ka putso lai; sikhawmsele ka chaklonâk lo chu ka putso lai lo.

PHILIPI 4:13

Krist hawng ka chaktirtu ah chun zeizawng ka ti kho asi.

1 TIMOTHE 1:14

Chun, kan Lalpa zângfahnâk chu lungnâk leh Krist Jisu dâwtnâk hen cherkhet hen ka lakah a liam rawh.

HEBRAI 11:34

Mei ṭihnungkâi mih khonâk an nei le, nâmsâu thah ding mi lakah an âwl, chaklonâk lakah mi chaktir hen an um, tuknâk lakah chun rât tak hen an um, ramdang mi kawrsen tla an neh na.

HEBRAI 4:16

Chun, khuaruatnâk kan tawng khonâk ding leh bawmh kan herh tikah ṭangpinâk leh zângfahnâk kan tawng khonâk ding hen zângfahnâk laltophah chu râlṭha tak hen kan naih lai.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.