2 KORIN 10:8 - Bawm Common Language Bible Version

⁸ Kan thuneihnâk nanmah siatnâk ding silo hen nanmah siamṭhatnâk ding dauh hen Lalpa nih hawng kan pêk mi hi a putso khun khawmsele ka mualpho awtlo le,

2 KORIN 10:8 ပူးပေါင်းရင်းမြစ်များ

2 KORIN 1:24

Nan lungnâk lakah lalnâk ka nei ka ti lo le, nanna lâwmnâk ṭangpitu kan si ka ti dauh asi; lungnâk ah dîr nan si dangâiah.

2 KORIN 10:4

kannih râlthuamnâk tla chu taksa mi asi lo le, kulhpi bir tak tla siatnâk ding hen Pathian zârah thiltikho tak asi dauh,

2 KORIN 10:9

ka lasuikuat tla nih chun an lauh na ding hen ka duh lo asi.

2 KORIN 12:19

Tu kar lakah hin nanmah tla sinah kan diknâk thu sim hen hawng kan ruat asi dahmawh. Krist ah chun Pathian mitmuh ah asi thu kan sim mi chu. Sikhawmsele, duhtak tla, zeizawng nanmah siamṭhatnâk ding asi.

2 KORIN 12:6

A zûm duh khawmsele mi mâwl kasi lai loh, thudik ka sim awt asi; sikhawmsele, ka sûm lai, chu lo chun âuzawng nih an hawng ka muh hâwi leh ka lakah thu an theih hâwi ngâk hen rokual khun hen an hawng ka ruat lebang lai.

2 KORIN 13:10

Churuang chun râwk ding silo hen siamṭhat ding dauh hen Lalpa nih thuneihnâk a hawng ka pêk hâwi vima hen nan sinah ka um tikah fâk tak hen nun kan simh na lo ding hen nan sinah ka um lo liau hin hi bang thu hi ka rîn asi.

2 KORIN 13:8

Thudik ṭanh ding lo chun thudik lo ding hen zeikhawm kan ti kho lo asi.

2 KORIN 7:14

A sinah zei leikâng khawm ah nanmah tla an putso na khawmsele ka mualpho lo; mualpho ngangâk hen zeizawng nan sinah thu tatak kan sim tâwn hâwi khan Tita mâika ah kan putso mi chu thu tatak a hawng si taktê.

2 KORIN 7:4

Nannih leikângah chun ka sim ngam tuktarâi, ka nan putso na zia hi a fâk asi; lungngamnâk hen ka khat le, kanna hamhnâk zawzawngah chun lâwmnâk hen ka khat.

GALATIA 1:1

Pawl, mifial minung tla fial si lo hen, minung zârah khawm silo hen, Jisu Krist leh mithi lakah mi thawhtu Pa Pathian zârah asi dauh ti mawh

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.